മീനങ്ങാടി : ആര്‍ട്ട് ഓഫ് ലിവിങ് കുടുംബസംഗമം മീനങ്ങാടി ക്ഷീരഭവന്‍ ഹാളില്‍ നടന്നു. ജില്ലാപഞ്ചായത്ത് പ്രസിഡണ്ട് ടി.ഉഷാകുമാരി ഉദ്ഘാടനം ചെയ്തു.
ആര്‍ട്ട്ഓഫ് ലിവിങ് അപ്പെക്‌സ് ബോഡി മെമ്പര്‍ എ.കെ.സുരേഷ് ബാബു അധ്യക്ഷത വഹിച്ചു. ബ്രഹ്മചാരി പ്രശാന്ത്‌ലാല്‍ അനുഗ്രഹ പ്രഭാഷണം നടത്തി. പ്രസിഡണ്ട് ആനന്ദ് പത്മനാഭന്‍, സെക്രട്ടറി അനില്‍കുമാര്‍, സീനിയര്‍ ഇന്റര്‍നാഷണല്‍ അധ്യാപകരായ ബാലകൃഷ്ണമേനോന്‍, അശോക് കുമാര്‍, പ്രദീപ്, വയനാട് ആര്‍ട്ട് ഓഫ് ലിവിങ് വുമണ്‍ അസോസിയേഷന്‍ കണ്‍വീനറും അഗ്രി അപ്പെക്‌സ് മെമ്പറുമായ രാധമ്മപിള്ള, രക്ഷാധികാരി സരസമ്മ, യൂത്ത്‌വിങ് കോര്‍ഡിനേറ്റര്‍ സുകുമാരന്‍ തുടങ്ങിയവര്‍ സംസാരിച്ചു.
സംസ്ഥാന സ്‌കൂള്‍ കായിക മേളയില്‍ ജാവലിന്‍ ത്രോയില്‍ ഒന്നാം സ്ഥാനം കരസ്ഥമാക്കിയ ദൃശ്യ, കലാമേളയില്‍ കാര്‍ട്ടൂണ്‍ രചനയിലും റോള്‍ പ്ലേയിലും എ ഗ്രേഡ് കരസ്ഥമാക്കിയ ശ്രീരാം, വയലിനില്‍ എ ഗ്രേഡ് നേടിയ അപര്‍ണ്ണ ലക്ഷ്മി, എ.ഐ.എസ്.എസ്.ഇ. പരീക്ഷയില്‍ മുഴുവന്‍ എ1 കരസ്ഥമാക്കിയ അഭിനവ് ജോര്‍ജ്, മികച്ച കര്‍ഷകനായ ആര്‍ട്ട് ഓഫ് ലിവിങ് അധ്യാപകന്‍ അശോക് കുമാര്‍, ജില്ലയില്‍ നിന്നും ആദ്യമായി കേരള അപ്പെക്‌സ് ബോഡി മെമ്പറായി തിരഞ്ഞെടുക്കപ്പെട്ട മുന്‍ സെക്രട്ടറി എ.കെ.സുരേഷ് ബാബു, സീനിയര്‍ അധ്യാപകര്‍, ഡോ. പത്മനാഭന്‍, പ്രസാദ്, രാജന്‍, ആലാപ് ഗായകരായ സുരേഷ് സുവര്‍ണ്ണരാഗം, വിനീത് എന്നിവരെ ചടങ്ങില്‍ ആദരിച്ചു.
വയനാട് ആര്‍ട്ട്ഓഫ് ലിവിങ് വുമണ്‍ അസോസിയേഷന്റെ വിവിധ ജൈവ കാര്‍ഷിക ഉല്‍പ്പന്നങ്ങളുടെ പ്രദര്‍ശനവും വില്‍പ്പനയും യോഗത്തില്‍ നടന്നു. വിവിധ കലാപരിപാടികള്‍ക്ക് ശേഷം ആര്‍ട്ട് ഓഫ് ലിവിങ് ഗായക സംഘമായ ആലാപിന്റെ ജില്ലാ കോ-ഓര്‍ഡിനേറ്റര്‍ സുരേഷ് സുവര്‍ണ്ണരാഗം നയിച്ച സത്‌സംഗോടെ പരിപാടികള്‍ അവസാനിച്ചു.
പ്രതികരിക്കാൻ ഇവിടെ എഴുതുക: