പള്ളുരുത്തി: എല്ഡിഎഫ് തെരെഞ്ഞെടുപ്പില് നല്കിയ വാഗ്ദാനം മറന്ന് കുമ്പളങ്ങി ആശുപത്രി വികസനത്തെ അട്ടിമറിക്കാന് നീക്കം നടക്കുന്നുവെന്ന് ആന്റി കറപ്ഷന് പീപ്പിള്സ് മൂവ്മെന്റ് ഭാരവാഹികള് പത്രസമ്മേളനത്തില് ആരോപിച്ചു. മുന് എംഎല്എ നല്കിയ വാഗ്ദാന ലംഘനത്തിന് മറുപടിയായാണ് കുമ്പളങ്ങി പ്രദേശത്തെ ജനം കെ.ജെ. മാക്സിക്ക് വോട്ടുനല്കിയത്. എന്നാല് സ്റ്റാഫ് പാറ്റേണ് നടപ്പാക്കാനുള്ള ആദ്യപടിയായി ആരോഗ്യ മന്ത്രി കുമ്പളങ്ങി ആശുപത്രി സന്ദര്ശിക്കുമെന്ന് എംഎല്എ അറിയിച്ചിരുന്നുവെങ്കിലും മാസങ്ങള് പിന്നിട്ടിട്ടും നടന്നിട്ടില്ല.
ഈ ഘട്ടത്തില് സമരം പുനരാരംഭിക്കുകയാണെന്ന് ആന്റി കറപ്ഷന് മൂവ്മെന്റ് പ്രസിഡന്റ് അഡ്വ.ജോസഫ് ഇടക്കാട്ട്, സെക്രട്ടറി പി.എ. ഷണ്മാതുരന് എന്നിവര് അറിയിച്ചു. മാര്ച്ച് 5ന് കുമ്പളങ്ങിയില് വഞ്ചനാദിനം ആചരിക്കും. ഒരു മാസത്തെ പ്രചരണത്തിനു ശേഷം ഏപ്രില് 5ന് സമരം പുന:രാരംഭിക്കുമെന്നും ഭാരവാഹികള് അറിയിച്ചു.
