കല്പ്പറ്റ: മലിനീകരണ നിയന്ത്രണ ബോര്ഡ് ഉദ്യോഗസ്ഥര് മലിനീകരണ നിയന്ത്രണ സര്ട്ടിഫിക്കറ്റിന് വരുന്ന ഹോട്ടല്, റസ്റ്റോറന്റ്, വളം ഡിപ്പോ തുടങ്ങിയ ചെറുകിട വ്യാപാരികളെ പീഡിപ്പിക്കുന്നത് അവസാനിപ്പിക്കണമെന്ന് കേരള വ്യാപാരി വ്യവസായിഏകോപന സമിതി ജില്ല കമ്മിറ്റി ആവശ്യപ്പെട്ടു.
ജില്ലയില് മെറ്റല് ക്രഷര്, മണല് ക്രഷര്, മരം, ഈര്ച്ച മില്ലുകള് തുടങ്ങിയ വന്കിട സഥാപനങ്ങളുടെ ഗണത്തില് ഹോട്ടല്, വളം ഡിപ്പോ പോലുളള ചെറുകിട വ്യാപാര സ്ഥാപനങ്ങളുള്പ്പെടുത്തി ഇവിടുത്തെ മലിനീകരണ ഉദ്യോഗസ്ഥര് അനാവശ്യ രേഖകളും അന്യായ ഫുസം വാങ്ങി പിഡിപപ്ിക്കുകയാണ്. മലിനീകരണ സര്ട്ടിഫിക്കറ്റ് ആവശ്യമില്ലാത്ത സ്ഥാപനങ്ങള്ക്കു പോലും സര്ട്ടിഫിക്കറ്റ് എടുട്ടണമെന്ന ഉദ്യോഗസ്ഥരുടെ കടുംപിടുത്തം കാരണം ചെറുകിട വ്യാപാരികള് അനുഭവിക്കുന്ന ദുരിതം വള ്രെവലുതാണ്. ഫെര്ട്ടിലൈസേവന് വ്യആപാരികളും ഹോട്ടല് വ്യാപാരികളും മൂന്നു വര്ഷം വരെ കാലാവധിയുള്ള പൊലൂഷന് സര്ട്ടിഫിക്കറ്റ് ലഭിക്കാന് മൂന്നര വര്ഷത്തെ ഫീസായ 12000 രൂപയും സ്ഥാപനത്തിന്റെ സൈറ്റ് പ്ലാനും ബോര്ഡ് ആവശ്യപ്പെടുന്ന മറ്റു അനവധിരേഖകളും ഹാജരാക്കണം. മെഡിക്കല് ഓഫിസര് നല്കുന്ന സാനിറ്ററി സര്ട്ടിഫിക്കറ്റ് മാത്രം ആവശ്യമുള്ള സ്ഥാപനങ്ങള്ക്ക് പോലും മലിനീകരണ ബോര്ഡിന്റെ സര്ട്ടിഫിക്കറ്റ് വേണമെന്ന ബന്ധപ്പെട്ട ഉദ്യോഗസ്ഥരുടെ അനാവശ്യവാശി ഉപേക്ഷിക്കണം. ചട്ടങ്ങളും നിയമങ്ങളും സ്വയം സൃഷ്ടിച്ച് അമിത പണം വാങ്ങുന്ന നടപടി അവസാനിപ്പിക്കണം. മലിനീകരണ ബോര്ഡ് അഴിമതിയുടെ കേന്ദ്രമവാുകയാണ്.
ചെറുകിട വ്യാപാരികളെ പീഡിപ്പിക്കുന്ന ബോര്ഡ് ഉദ്യോഗസ്ഥരുടെ നടപടികള് അവസാനിപ്പിച്ചില്ലെങ്കില് സമര പരിപാടികള്ക്ക് രൂപം കൊടുക്കാന് ജില്ല കമ്മിറ്റി തീരുമാനിച്ചു.
യോഗത്തില് ജില്ല പ്രസിഡന്റ് കെ.കെ. വാസുദേവന് അധ്യക്ഷത വഹിച്ചു. ജന. സെക്രട്ടറി ഒ.വി. വര്ഗീസ്, കുഞ്ഞിരായിന് ഹാജി, ആതിര മത്തായി, കെ.ടി. ഇസ്മായില്, ജോജിന് ടി.ജോയ്, കെ. സുരേന്ദ്രന്, നൗഷാദ് കാക്കവയല്, മുജീബ് ചുണ്ട, കെ. ഉസ്മാന്, കെ.എം. മുഹമ്മദ്, ടി.സി. വര്ഗീസ്, ശ്രീജ ശിവദാസ്, അനില്കുമാര് എന്നിവര് പങ്കെടുത്തു.
