ടാങ്കര് ലോറിയില് വില്പ്പന തകൃതി
കാക്കനാട്: വേനല് കനത്തതോടെ കിട്ടാവുന്ന ജലസ്രോതസുകളില്നിന്ന് വെള്ളം ഊറ്റല് വ്യാപകം. പാറമടകളിലെ വെള്ളവും കുടിവെള്ളമായാണ് കയറ്റിക്കൊണ്ട് പോകുന്നത്. കൊല്ലംകുടിമുകള്, നവോദയ, തെങ്ങോട്, വാഴക്കാല തെക്കേയറ്റം, തുതിയൂര്, ചിറ്റേത്തുകര പ്രദേശങ്ങളിലെ പാറമടകളിലെ വെള്ളമാണ് കൊണ്ട് പോകുന്നത്.
വെള്ളം ശുദ്ധീകരിക്കാതെ പാറമടകളില് നിന്ന് നേരിട്ട് ടാങ്കര് ലോറികളില് ശേഖരിച്ച് ക്ലോറിന് കലര്ത്തിയാണ് കുടിവെള്ളം എന്ന് ബോര്ഡ് വെച്ച് കൊണ്ട് പോകുന്നത്. കൊച്ചി നഗരത്തിലെ ഹോട്ടലുകള്, ഫഌറ്റുകള് എന്നിവടങ്ങളിലാണ് പാറമടകളിലെ വെള്ളം വിതരണം ചെയ്യുന്നത്. തൃക്കാക്കര പ്രദേശത്തെ ഹോട്ടലുകളിലും വീടുകളിലും പാറമടകളിലെ വെള്ളം വിറ്റഴിക്കുന്നുണ്ട്. രാത്രിയിലും പകലുമായി നൂറ് കണക്കിന് ടാങ്കറുകളില് പാറമടകളിലെ വെള്ളം ചോര്ത്തുന്നുണ്ട്. ഇത് സമീപത്തെ കിണറുകളില് ഉറവ വറ്റിക്കുന്നതിനാല് സമീപവാസികള് നെട്ടോട്ടത്തിലാണ്.
കുടിവെള്ളം പ്രശ്നം രൂക്ഷമായ തെങ്ങോട്, വാഴക്കാല, പാലച്ചുവട്, തുതിയൂര്, ചിറ്റേത്തുകര പ്രദേശങ്ങളിലെ പൊതു കിണറുകളില് നിന്നും വെള്ളം ചോര്ത്തല് നടക്കുന്നുണ്ട്. ഇതു തടയാന് നഗരസഭ നടപടി സ്വീകരിക്കുന്നില്ലെന്നാണ് നാട്ടുകാരുടെ പരാതി.
തുതിയൂര് കുന്നത്ത്ചിറ ഭാഗത്ത് കൃഷിവകുപ്പ് കാര്ഷികാവശ്യത്തിന് നിര്മിച്ച കിണറുകളില് നിന്ന് വെള്ളം ‘മോഷ്ടിക്കു’ന്നുണ്ട്. കൃഷി ഇല്ലാതായതോടെയാണ് ഈ വെള്ളം കടത്തുന്നത്. വല്വിലയ്ക്കാണ് മറിച്ചു വില്ക്കുന്നത്. ഇവിടെയും വീടുകളിലെ കിണറുകള് വറ്റി. നഗരസഭയിലെ 60 % വീടുകളും ജലഅതോറിട്ടിയുടെ പൈപ്പ് വെള്ളത്തെയാണ് ആശ്രയിക്കുന്നത്. കൂടുതല് ഭൂഗര്ഭ ജല ലഭ്യതയുള്ള പാടശേഖര പ്രദേശങ്ങളും കുടിവെള്ള മാഫിയ സംഘങ്ങളുടെ പിടിയിലായിക്കഴിഞ്ഞു.
