ചാലക്കുടി:ബോള് പേനയോട് വിടപറഞ്ഞ് മഷിപേനയിലേക്കൊരു മടക്കയാത്ര നടത്തിയാണ് ചാലക്കുടി സര്ക്കാര് ഗേള്സ് ഹൈസ്ക്കൂള് വിദ്യാര്ത്ഥികള്.ഇതിലൂടെ വലിയൊരു സാമൂഹ്യ വിപത്തിനെയാണ് കുട്ടികള് സ്ക്കൂളില് നിന്ന് പുറത്താക്കുന്നത്.ആദ്യ കാലത്ത് വിദ്യാര്ത്ഥികളടക്കം ഉപയോഗിച്ചിരുന്നത് മഷി നിറച്ച് എഴുതുന്ന പേനകളായിരുന്നു.കൈ അക്ഷരം മനോഹരമാക്കുവാന് ഇത് ഏറെ പ്രയോജനകരമായിരുന്നു.
എന്നാല് ബോള് പേനകളുടെ രംഗപ്രവേശം മഷി പേനകളെ ക്രമേണ അപ്രത്യക്ഷമാക്കിത്തുടങ്ങി.ബോള്പേനകളുടെ കടന്നുകയറ്റം വലിയൊരു സാമൂഹിക വിപത്തിനെ ക്ഷെണിച്ചുവരുത്തുകയാണെന്ന് ആരും അറിഞ്ഞില്ല.ബോള് പേനകള് വ്യാപകമായതോടെ പ്ലാസറ്റിക് മാലിന്യം വര്ദ്ദിക്കുകയായിരുന്നു. ഇതിന് പരിഹാരം കണ്ട് പ്രകൃതിയെ രക്ഷിക്കാനാണ് വിദ്യാര്ത്ഥിക ഈ തീരുമാനം.
ചാലക്കുടി എസ്.എന്.ക്ലബ്ബാണ് വിദ്യാര്ത്ഥികള്ക്കാവശ്യമായ മഷി പേന നല്കിയത്.ഇതിന് പുറമെ സ്ക്കൂളിനെ പൂര്ണ്ണമായി പ്ലാസ്റ്റിക് വിമുക്തമാക്കാനും ഇവര് തീരുമാനിച്ചു.വീടുകളിലേയും,സ്ക്കൂളിലേയും മുഴുവന് പ്ലാസ്റ്റിക് ക്യാരി ബാഗുകള് ശേഖരിച്ച് നഗരസഭയെ ഏല്പ്പിക്കും.
മഷി പേനയുടെ വിതരണം സ്ക്കൂളില് നടന്ന ചടങ്ങില് വെച്ച് നഗരസഭ വൈസ് ചെയര്മാന് വിന്സെന്റ് പാണാട്ടു പറമ്പന് നിര്വ്വഹിച്ചു.വാര്ഡ് കൗണ്സിലര് വി.ജെ.ജോജി അദ്ധ്യഷത വഹിച്ചു. മാധ്യമ പ്രവര്ത്തകന് ലാലുമോന് ചാലക്കുടി,പ്രധാന അദ്ധ്യാപിക ശോഭന ടീച്ചര്,ക്ലബ്ബ് ഭാരവാഹികളായ എം.എന്.അഖിലേശ്വരന്,ഇ.കെ.രാമകൃഷ്ണന്,ബാബു എ.ആര്,ഇ.കെ.രാജശേഖരന്,കെ.വി.ഗോപി,എ.എം.ചന്ദ്രശേഖരന്,തുടങ്ങിയവര് സംസാരിച്ചു.
