ബത്തേരി : കഴിഞ്ഞ മഴക്കാലത്ത് അറുപത് ശതമാനത്തോളം മഴക്കുറവ് ഉണ്ടായ വയനാട് വരള്‍ച്ചയിലേക്ക് നീങ്ങി തുടങ്ങി. ഇതിന്റെ പ്രതിഫലനമെന്നോണം ക്ഷീരോത്പാദന രംഗത്ത് വന്‍ കുറവാണ് ഇപ്പോഴുണ്ടായിരിക്കുന്നത്. ഇത് ഏറ്റവും പ്രകടമായ തോതില്‍ അനുഭവപ്പെടുന്നത് ബത്തേരി താലൂക്കിലാണെന്ന് കണക്കുകള്‍ വ്യക്തമാക്കുന്നു.
ഡിസംബറുമായി താരത്മ്യം ചെയ്യുമ്പോള്‍ ഒരുമാസത്തെ പാല്‍ ഉത്പാദനത്തില്‍ ഒരുലക്ഷത്തോളം ലിറ്റര്‍ കുറവാണ്. ബത്തേരി താലൂക്കിലെ പുല്‍പ്പളളി, മുളളന്‍കൊല്ലി ഗ്രാമ പഞ്ചായത്തുകളിലും ബത്തേരി ക്ഷീര സഹകരണ സംഘത്തിലും മാത്രം രേഖപ്പെടുത്തുന്നത്. ജില്ലയിലെ പ്രതിദിന പാലളവ് രണ്ട് ലക്ഷത്തി ഏഴായിരം ലിറ്ററാണ്. ഇതില്‍ പകുതിയിലേറെയും ബത്തേരി താലൂക്കിന്റെ സംഭാവനയാണ്.ഒരുപതിറ്റാണ്ട് മുമ്പുണ്ടായ അസാധാരണമായ വരള്‍ച്ചയും വിള നാശവും വിലതകര്‍ച്ചയും ഉണ്ടാക്കിയ പ്രതി സന്ധിയില്‍ നിന്ന് വയനാടിനെ കൈ പിടിച്ച് കരകയറ്റിയത് ക്ഷീരമേഖലയായിരുന്നു.ഇതോടെയാണ് ക്ഷീരോത്പാദനത്തില്‍ ജില്ലയുടെ കുതിപ്പ് തുടങ്ങിയതും. അന്ന് വരള്‍ച്ചാ കെടുതികള്‍ ഏറെ ഏറ്റുവാങ്ങിയ പുല്പളളി മേഖലയാണ് പാലളവില്‍ വന്‍ മുന്നേറ്റം ഉണ്ടാക്കിയതെന്നും പിന്നീടുളളകണക്കുകള്‍ വ്യക്തമാക്കുന്നു ചെറുകിട-നാമനാത്ര കര്‍ഷകര്‍ കൂട്ടത്തോടെ ഈരംഗത്തേക്ക് കടന്നു വന്നതാണ് ഈ കുതിപ്പിന് കാരണമായത്. ഇക്കൊല്ലം ജില്ലയില്‍ ലഭിച്ച മഴയുടെ പകുതിപോലും കിട്ടാത്ത മേഖലയും ഇതു തന്നെയാണ്. കര്‍ഷകര്‍ക്ക് പിടിച്ചു നി ക്കാന്‍ പറ്റാത്ത പ്രതിസന്ധിയാണ് കാലാവസ്ഥാ മാറ്റം മൂലം ഉണ്ടായിരിക്കുന്നത്. മില്‍മയുടെ കീഴില്‍ മീനങ്ങാടി ഗ്രാമ പഞ്ചായത്തിലെ പുറക്കാടി ദേവസ്വം ഭൂമിയിലുളള തീറ്റപുല്‍ കൃഷിയിടത്തില്‍ നിന്ന് വല്ലപ്പോഴും ലഭിക്കുന്ന പച്ചപുല്ല് മാത്രമാണ് ഇവര്‍ക്ക് ആശ്രയം. അതും വേനല്‍ രൂക്ഷമാകുന്നതോടെ കിട്ടാനില്ലാതാവുകയാണ്.
ഒരുമുടി ഒക്കല്‍ കച്ചിക്ക് അറുപത് രൂപമുതലാണ് ഇപ്പോഴത്തെ വിപണിവില. തങ്ങളുടെ അതിജീവനത്തിന് കൈതാങ്ങായ പശുക്കളെ പരിപാലിക്കാന്‍ വഴിതേടുകയാണ് കര്‍ഷകര്‍.
പ്രതികരിക്കാൻ ഇവിടെ എഴുതുക: