കോഴിക്കോട്: കുറ്റിയാടി ജലസേചന പദ്ധതി കനാലുകളുടെ അറ്റകുറ്റപ്പണിക്കായി രണ്ട് കോടി രൂപ നീക്കിയിരിപ്പുണ്ടായിട്ടും അതുപയോഗപ്പെടുത്താത്ത ജലസേചനവകുപ്പ് ഉദ്യോഗസ്ഥര്ക്കെതിരെ നടപടിയെടുക്കണമെന്ന് ബിജെപി ജില്ലാപ്രസിഡന്റ് ടി.പി. ജയചന്ദ്രന് ആവശ്യപ്പെട്ടു. ജില്ലാ വികസന സമിതി യോഗത്തില് ജില്ലാ കലക്ടര് ഉന്നയിച്ച ഈ ആരോപണം വള രെ ഗുരുതരമാണ്.
ഇക്കാര്യത്തില് ജലസേചന വകുപ്പ് മന്ത്രി നിലപാട് വ്യക്തമാക്കണം. ഇത്തരം ഉദ്യോഗസ്ഥരെ നിയന്ത്രിക്കാന് കഴിയാത്ത ജലസേചനവകുപ്പ് മന്ത്രി തല്സ്ഥാനത്ത് തുടരുന്നത് അപമാനകരമാണ്.
അതിരൂക്ഷമായ വരള്ച്ച നേരിടുന്ന ജില്ലയില് കനാല് ശുചീകരണം സമയബന്ധിതമായി നടക്കാത്തതിനാല് കുറ്റിയാടി കനാല് തുറക്കാന് പറ്റാത്ത സ്ഥിതിയാണ്. ഇതുമൂലം കനാലിന് സമീപത്തെ കിണറുകളും തോടുകളും വറ്റിവരണ്ട് ജനങ്ങളുടെ ജീവിതം ദുരിതപൂര്ണമായിരിക്കുകയാണ്. കര്ഷകര്ക്ക് ദോഷം വരുന്ന ഈ നടപടി എടുത്ത ഉദ്യോഗസ്ഥരെയും ഭരണാധികാരികളെയും ജനങ്ങള് തിരിച്ചറിയണം. കേന്ദ്രാവിഷ്കൃത പദ്ധതികള്ക്ക് അനുവദിക്കുന്ന തുകപോലും വിനിയോഗിക്കാതെ നഷ്ടപ്പെടുത്തുന്നതില് കേരളത്തിലെ സര്ക്കാര് റെക്കോര്ഡ് സൃഷ്ടിച്ചിരിക്കുകയാണ്. സര്ക്കാര് പദ്ധതികള് സമയബന്ധിതമായി നടപ്പിലാക്കാത്ത ഉദ്യോഗസ്ഥര്ക്കെതിരെ നടപടിയെടുക്കുന്നതില് സംസ്ഥാന സര്ക്കാര് പരാജയപ്പെട്ടിരിക്കുകയാണെന്നും അദ്ദേഹം പ്രസ്താവനയില് പറഞ്ഞു.
