കോഴിക്കോട്: തെരഞ്ഞെടുപ്പിലൂടെ അധികാരത്തില് വന്ന എല്ഡിഎഫിന് പ്രതിപക്ഷ പാര്ട്ടികളുടെ പ്രവര്ത്തന സ്വാതന്ത്ര്യം ഉറപ്പുവരുത്താനുള്ള ഉത്തരവാദിത്തം പാലിക്കണമെന്ന് ബിജെപി സംസ്ഥാന സെക്രട്ടറി വി.കെ.സജീവന് ആവശ്യപ്പെട്ടു.ചീമേനി അക്രമത്തില് പ്രതിഷേധിച്ച് ബിജെപി നഗരത്തില് നടത്തിയ പ്രതിഷേധപ്രകടനത്തിനു ശേഷം നടന്ന യോഗത്തില് സംസാരിക്കുകയായിരുന്നു അദ്ദേഹം. ചിമേനിയില് ബിജെപിയുടെ സംസ്ഥാനത്തെ പ്രമുഖ നേതാക്കളാണ് നിരവധി തവണയായി ആക്രമിക്കപ്പെട്ടത്. പട്ടികജാതി മോര്ച്ചയുടെ സംസ്ഥാന പ്രസിഡന്റ് പി. സുധീര് പങ്കെടുത്ത പൊതുയോഗം കയ്യേറി. ഇതില് പ്രതിഷേധിക്കാനാണ് ബിജെപി നേതാക്കളായ കെ.സുരേന്ദ്രന് കെ.പി. ശ്രീശന് ആര്എസ്എസ് നേതാവ് വത്സന് തില്ലങ്കേരി എന്നിവര് പങ്കെടുത്ത പ്രതിഷേധ പദയാത്ര സംഘടിപ്പിച്ചത്.
ഇവരെയും അക്രമിച്ചതിലൂടെ സിപിഎമ്മിന്റെ അസഹിഷ്ണുതയാണ് പുറത്തായിരിക്കുന്നത്. സ്ത്രീകള്ക്കും കുട്ടികള്ക്കും ദളിതര്ക്കും കേരളത്തില് രക്ഷയില്ല. കേരളത്തില് അക്രമം തുടര്ക്കഥയായിരിക്കുന്നു. സിപിഎം നേതാക്കള്ക്ക് സമനില തെറ്റിയിരിക്കുന്നു അദ്ദേഹം പറഞ്ഞു. ജില്ലാ അധ്യക്ഷന് ടി.പി.ജയചന്ദ്രന് അധ്യക്ഷത വഹിച്ചു.ബിജെപി, യുവ മോര്ച്ച നേതാക്കളായ പി.ജിജേന്ദ്രന്, സി.ആര് പ്രഫുല് കൃഷ്ണന്, അഡ്വ.രമ്യമുരളി, പ്രബീഷ് മാറാട് എന്നിവര് സംസാരിച്ചു. മുഹമ്മദ് നിഷാല്, ടി.വി. ഉണ്ണികൃഷ്ണന്, ബിന്ദു പ്രഭാകരന്, കോര്പ്പറേഷന് കൗണ്സിലര്മാരായ നമ്പിടിനാരായണന്, ഇ. പ്രശാന്ത് കുമാര് എന്നിവര് നേതൃത്വം നല്കി.
ബാലുശ്ശേരി: കാസര്കോട് ചെറുവത്തൂരില് ബിജെപി ആര്എസ്എസ് നേതാക്കളെ കസ്റ്റഡിയിലെടുത്ത പോലീസ് നടപടിയിലും പ്രവര്ത്തകരെ അക്രമിച്ച സിപിഎം നടപടിയിലും പ്രതിഷേധിച്ച് ബിജെപി പ്രവര്ത്തകര് ബാലുശ്ശേരി ടൗണില് പ്രകടനം നടത്തി. പ്രകടനത്തിന് വി.വി. രാജന്, എം.സി. ശശീന്ദ്രന്, എന്.പി. രാമദാസ്, ടി.ബാലസോമന്, രാജേഷ് കായണ്ണ, സി.കെ. ബാലകൃഷ്ണന്, ബി. ദിപിന്, സുഗീഷ് കൂട്ടാലിട, ഷൈനി ജോഷി തുടങ്ങിയവര് നേതൃത്വം നല്കി.
ബിജെപി പയ്യോളി മുനിസിപ്പല് കമ്മിറ്റി നടത്തിയ പ്രകടനത്തിന് സി.പി. രവീന്ദ്രന്, കെ. എം. ശ്രീധരന്, വി.പി. സതീശന് എന്നിവര് നേതൃത്വം നല്കി.
മുക്കം: ബിജെപി പ്രവര്ത്തകര് മുക്കത്ത് പ്രതിഷേധ പ്രകടനം നടത്തി.സി.കെ.വിജയന്, എം.ഇ.രാജന്, ബാലകൃഷ്ണന് വെണ്ണക്കോട്, കെ.വേലുക്കുട്ടി, ഷിംജു വാര്യംകണ്ടി, സുധാകരന് കപ്പടച്ചാലില്, സത്യന് മഠത്തില് എന്നിവര് നേതൃത്വം നല്കി.
പേരാമ്പ്ര: പേരാമ്പ്രയില് സംഘപരിവാര് പ്രവര്ത്തകര് പ്രതിഷേധ പ്രകടനം നട ത്തി.എന്.ഹരിദാസ്, കെ.കെ. രജീഷ്, തറമ്മല് രാകേഷ്, എസ്.ആര്. ശ്രീരാജ്, കെ. രാജന്, കെ.ഇ സേതുമാധവന്, ഷാജു കല്ലോട് തുടങ്ങിയ വര് നേതൃത്വം നല്കി
