കണ്ണൂര്: വൈകല്യങ്ങള് അനുഭവിക്കുന്ന ഭിന്നശേഷിക്കാര്ക്ക് സഹായഹസ്തവുമായി കണ്ണൂര് മുന്സിപ്പല് ഹൈസ്കൂളില് നടന്ന ചടങ്ങില് 774 പേര്ക്ക് സൗജന്യ ഉപകരണങ്ങള് വിതരണം ചെയ്തു. സാമൂഹ്യനീതി വകുപ്പും കേന്ദ്ര സര്ക്കാര് ഏജന്സിയായ ആര്ട്ടിഫിഷ്യല് ലിംബ്സ് മാനുഫാക്ച്ചറിംഗ് കോര്പ്പറേഷന് ഓഫ് ഇന്ത്യയും (അലിംകോ) സംയുക്തമായി നടത്തിയ പരിപാടി ക്യാമ്പിലൂടെ തെരഞ്ഞടുക്കപ്പെട്ടവര്ക്ക് സഹായഉപകരണങ്ങള് വിതരണം ചെയ്ത് മുഖ്യമന്ത്രി പിണറായി വിജയന് ഉദ്ഘാടനം ചെയ്തു.
ആഗസ്റ്റ് 28 ന് കണ്ണൂര് മുന്സിപ്പല് ഹൈസ്കൂളിലും സപ്തംബര് 27, 18 തീയതികളില് പയ്യന്നൂര് ശ്രീവത്സം ഓഡിറ്റോറിയത്തിലും മട്ടന്നൂര് യുപി സ്കൂളിലുമായി നടത്തിയ ക്യാമ്പില് നിന്ന് തെരഞ്ഞെടുക്കപ്പെട്ട 774 പേര്ക്കാണ് സഹായ ഉപകരണങ്ങള് വിതരണം ചെയ്തത്. 31 പേര്ക്ക് മുച്ചക്ര സൈക്കിള്, 113 വീല്ച്ചെയര്, 110 ക്രച്ചസ്, 37 വാക്കിംഗ് സ്റ്റിക്ക്, നടക്കാന് സഹായിക്കുന്ന ഉപകരണമായ 37 റോള്ളാറ്റേഴ്സ്, 360 ശ്രവണ സഹായികള്, മാനസിക വെല്ലുവിളികള് നേരിടുന്നവര്ക്കുള്ള 136 എം.എസ്.ഐ.ഇ.ഡി.കിറ്റ്, 31 ബ്രെയിലി കെയ്ന് സ്ലേറ്റുകള് തുടങ്ങി ഉപകരണങ്ങളാണ് വിതരണം ചെയ്തത്. 844 പേരാണ് മൂന്നിടങ്ങളിലായി നടന്ന ക്യാമ്പില് പങ്കെടുത്തത്. ജില്ലയില് രജിസ്റ്റര് ചെയ്ത എല്ലാ ആളുകള്ക്കും സഹായഉപകരണങ്ങള് വിതരണം ചെയ്യുമെന്ന് ചടങ്ങില് അധ്യക്ഷത വഹിച്ച മന്ത്രി കെ.കെ.ശൈലജ പറഞ്ഞു. ഇത്തവണ ലഭിക്കാത്തവര്ക്കായി വീണ്ടും ക്യാമ്പുകള് നടത്തും. വിദഗ്ധ ഡോക്ടര്മാരുടെ പ്രത്യേക ക്യാമ്പുകള് നടത്തി ജില്ലയില് ഇതുവരെ 768 പേര്ക്ക സര്ട്ടിഫിക്കറ്റ് വിതരണം ചെയ്തിട്ടുണ്ട്. മാതൃകാപരമായ പ്രവര്ത്തനങ്ങള് നടത്തിയ ഡോക്ടര്മാര്, ജില്ലാ മെഡിക്കല് ഓഫീസ്, ജില്ലാ പഞ്ചായത്ത്, ജില്ലാ ഭരണകൂടം എന്നിവരെയും മന്ത്രി അഭിനന്ദിച്ചു.
ഒരു വര്ഷത്തിനിടെ സംസ്ഥാനത്ത് 5000 ത്തിലധികം ഭിന്നശേഷിക്കാര്ക്ക് സഹായഉപകരണങ്ങള് വിതരണം ചെയ്തതായി ചടങ്ങില് സംസാരിച്ച അലിംകോ മാനേജര് അനുപം പ്രകാശ് പറഞ്ഞു. കേന്ദ്രസര്ക്കാറിന്റെ എഡിഐപി പദ്ധതിപ്രകാരം 65.15 ലക്ഷം രൂപ വിനിയോഗിച്ചാണ് സഹായ ഉപകരണങ്ങള് വിതരണം ചെയ്തത്.
വിവിധ തരത്തിലുള്ള 774 സഹായ ഉപകരണങ്ങളാണ് വിതരണം ചെയ്തത്. മന്ത്രി രാമചന്ദ്രന് കടന്നപ്പള്ളി മുഖ്യപ്രഭാഷണം നടത്തി. മേയര് ഇ.പി.ലത, എംപിമാരായ പി.കെ.ശ്രീമതി , കെ.കെ.രാഗേഷ്, ജില്ലാ പഞ്ചായത്ത് പ്രസിഡണ്ട് കെ.വി.സുമേഷ്, ജില്ലാ കലക്ടര് മീര് മുഹമ്മദലി, കോര്പ്പറേഷന് സ്റ്റാന്റിങ്ങ് കമ്മിറ്റി ചെയര്മാന് വെള്ളോറ രാജന്, കൗണ്സിലര് അഡ്വ. ലിഷ ദീപക്, കേരള വികലാംഗ ക്ഷേമ കോര്പ്പറേഷന് ചെയര്മാന് അഡ്വ.പരശുവയ്ക്കല് മോഹനന്, ജില്ലാ മെഡിക്കല് ഓഫീസര് ഡോ.നാരായണ നായിക്, സാമൂഹ്യ സുരക്ഷാ മിഷന് ഡയറക്ടര് ഡോ. മുഹമ്മദ് അഷീല് അലിംകോ മാനേജര് അനുപം പ്രകാശ്, ജില്ലാ സാമൂഹ്യ നീതി ഓഫീസര് എല്.ഷീബ തുടങ്ങിയവര് സംാസാരിച്ചു.
