ആലപ്പുഴ: പുതുവത്സരദിന ആഘോഷങ്ങളുടേയും ആലപ്പുഴ ബീച്ച് ഫെസ്റ്റിവെല്ലിനോടും അനുബന്ധിച്ച് സുരക്ഷയ്ക്കായി 250 ഓളം പോലീസ് ഉദ്യോഗസ്ഥരെ ബീച്ചിലും നഗരത്തിലുമായി വിന്യസിച്ചു. ബീച്ചും നഗരവും പൂര്ണ്ണമായും സിസി ടിവി ക്യാമറാ നിരീക്ഷണത്തിലായിരിക്കും.
ബീച്ച് റോഡിലേയ്ക്ക് ഒരു കാരണവശാലും വാഹനങ്ങള് പ്രവേശിപ്പിക്കില്ല. വാഹനങ്ങള് പോലീസ് പരേഡ്ഗ്രൗണ്ടിലും, കൊമ്മേഴ്സ്യല് കനാലിന്റെ വടക്കേ കരയിലും ലൈറ്റ് ഹൗസിന്റെ പടിഞ്ഞാറു വശം റോഡിലും പാര്ക്കു ചെയ്യാം. സുരക്ഷയ്ക്കായി കടല്ത്തീരത്ത് കോസ്റ്റല് പോലീസ് സ്റ്റേഷനിലെ പോലീസ് ഉദ്യോഗസ്ഥരെ നിയമിക്കും.
പുതുവത്സരദിന ആഘോഷങ്ങളോടനുബന്ധിച്ച് കര്ശന വാഹന പരിശോധന നടത്തും. ഇതിലേയ്ക്ക് എല്ലാ പോലീസ് സ്റ്റേഷനിലും ജീപ്പിലും മോട്ടോര് സൈക്കിളുകളിലും പോലീസ് ഉദ്ദ്യേഗസ്ഥരെ നിയമിച്ചു. നഗരത്തിലെത്തുന്ന വാഹനങ്ങള് കര്ശന പരിശോധനയ്ക്ക് വിധേയമാക്കും.
കായലുകളും വഞ്ചിവീടുകളും കേന്ദ്രീകരിച്ച് പരിശോധന നടത്തും. ഡിജെ പാര്ട്ടികള്, ഡാന്സ് പാര്ട്ടികള് എന്നിവ നിയന്ത്രണവിധേയമാക്കും. അനുവദിക്കപ്പെട്ട സമയത്തിനു ശേഷവും ഉച്ചഭാഷിണി ഉപയോഗിക്കുന്നവര്ക്കെതിരെയും കര്ശ്ശന നിയമ നടപടികള് സ്വീകരിക്കുമെന്ന് ജില്ലാ പോലീസ് മേധാവി അറിയിച്ചു.
