കോട്ടയം: കള്ളപ്പണ മുന്നണികള്ക്കെതിരെ ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന് നയിക്കുന്ന മേഖലാ പ്രചരണജാഥയ്ക്ക് ജനുവരി 8ന് വൈകിട്ട് 6ന് തിരുനക്കര പോലീസ് സ്റ്റേഷന് മൈതാനിയില് സ്വീകരണം നല്കുവാന് കോട്ടയം നിയോജകമണ്ഡലം കമ്മിറ്റിയോഗം തീരുമാനിച്ചു. കേരളത്തില് എല്ഡിഎഫ് സര്ക്കാര് അധികാരത്തില് വന്നതിന് ശേഷംപൊതുജനങ്ങള്ക്ക് ജീവിക്കാനുള്ള അവകാശം പോലും നിഷേധിക്കുകയും റേഷനരി നല്കാതെ ജനങ്ങളെ ബുദ്ധിമുട്ടിക്കുന്ന സര്ക്കാര് പൊതുസമൂഹത്തോട് മാപ്പ് പറയാന് തയ്യാറാകണമെന്ന് ബിജെപി ജില്ലാ സെക്രട്ടറി സി.എന്.സുഭാഷ് അഭിപ്രായപ്പെട്ടു. നിയോജകമണ്ഡലം കമ്മിറ്റി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എം.സി.റോഡിന്റെ നവീകരണത്തിന്റെ മറവില് ചിങ്ങവനം കവലയ്ക്ക് സമീപം നടക്കുന്ന കരിപ്പാടം നിലംനികത്തല് അധികാരികള് ഇടപെട്ട് ഉടന്നിര്ത്തിവയ്ക്കണം. അല്ലെങ്കില് പ്രദേശത്തെ സ്ഥലവാസികള്ക്ക് ബുദ്ധിമുട്ടുണ്ടാക്കുന്ന ഇത്തരക്കാര്ക്കെതിരെയും ബന്ധപ്പെട്ട അധികാരികള്ക്കെതിരെയും ബിജെപി ശക്തമായ സമരപരിപാടികള് സംഘടിപ്പിക്കുമെന്നും അദ്ദേഹം അറിയിച്ചു.
കോട്ടയം നിയോജകമണ്ഡലം പ്രസിഡന്റ് ബിനു ആര്. വാര്യര്, അദ്ധ്യക്ഷത വഹിച്ചു. സംസ്ഥാന സമിതിയംഗം അഡ്വ. എം.എസ്.കരുണാകരന്, ജില്ലാ സെക്രട്ടറിമാരായ എം.വി.ഉണ്ണികൃഷ്ണന്. റീബാ വര്ക്കി, സംസ്ഥാന കണ്സിലംഗം കെ.വി.ശാന്തകുമാര്, എസ്്സി മോര്ച്ച സംസ്ഥാന വൈസ് പ്രസിഡന്റ് രമേശ് കാവിമറ്റം, സുമാ മുകുന്ദന്, നിയോജകമണ്ഡലം ഭാരവാഹികളായ വി.പി.മുകേഷ്, രമേശ് കല്ലില്, അനിതാ മോഹന്, സിന്ധു രഞ്ജിത്ത്, ജോമോന്, പ്രവീണ്, കെ.സി.സന്തോഷ് കുമാര്, ഡി.എല്.ഗോപി, കുടമാളൂര് രാധാകൃഷ്ണന്, രാജേഷ് കൈലാസ്, വിജയലക്ഷ്മി നാരായണന്, നന്ദകുമാര്, ടി.കെ.തുളസീദാസ്, സനു.കെ.എസ്, സന്തോഷ് ശ്രീവത്സം, ടി.കെ.തങ്കച്ചന്, ഹരി, ടി.കെ.അനില്കുമാര്, അരുണ്.ടി.എം, വിനു.ആര്.മോഹന് ,സൂരജ് തുടങ്ങിയവര് സംസാരിച്ചു.
