മേപ്പാടി : ഡിം.എംവിംസ്‌മെഡിക്കല്‍ കോളജിന്റെ 5-ാം വാര്‍ഷികത്തിന്റെ ഭാഗമായി ആരംഭിച്ച വിംസ്‌സൗഖ്യം എന്ന സൗജന്യ ചികിത്സാ പദ്ധതിയിലൂടെ നാളിതുവരെ 3862 രോഗികള്‍ ചികിത്സ നേടിയതായി ചീഫ് അഡ്മിനിസ്‌ട്രേറ്റീവ്ഓഫീസര്‍ കെ.ടിദേവാനന്ദ് അറിയിച്ചു. വയനാട്, കണ്ണൂര്‍, കോഴിക്കോട്ജില്ലകളില്‍നിന്നും അയല്‍ സംസ്ഥാനങ്ങളായ തമിഴ്‌നാട്ടിലെ നീലഗിരി, കര്‍ണ്ണാടകയിലെ കുടക്, ഗുണ്ടല്‍പ്പേട്ട ഭാഗങ്ങളില്‍ നിന്നുമുള്ളരോഗികളാണ് പ്രധാനമായും ഈ പദ്ധതിയുടെ ഗുണഭോക്താക്കളായത്. സര്‍ക്കാര്‍ ആശുപത്രികളിലും മറ്റുമെഡിക്കല്‍ കോളേജുകളിലുംസൗജന്യമായി ലഭ്യമായിവരുന്ന ആനുകൂല്യങ്ങള്‍ സാമ്പത്തികമായും, സാമൂഹികമായും പിന്നോക്കാവസ്ഥയില്‍ നില്‍ക്കുന്നവര്‍ക്കുംസര്‍ക്കാര്‍, സര്‍ക്കാരിതരസൗജന്യ ചികിത്സാ പദ്ധതികളില്‍ അംഗമാകാത്തവര്‍ക്കുംവിസ്‌സൗഖ്യം പദ്ധതിയിലൂടെ മികച്ച ആരോഗ്യ പരിരക്ഷ ലഭ്യമാക്കുകയാണ് ലക്ഷ്യം.
ആസ്റ്റര്‍ ഡിഎംഹെല്‍ത്ത് കെയറിന്റെയുംഡിംഎംവിംസിന്റെയും ചെയര്‍മാന്‍ ഡോ. ആസാദ്മൂപ്പന്റെജീവകാരുണ്യ പ്രവര്‍ത്തനങ്ങളുടെ ഭാഗമായിആരംഭിച്ച വിംസ്‌സൗഖ്യത്തിനു കീഴില്‍ ബി.പി.എല്‍വിഭാഗത്തില്‍പ്പെട്ടവര്‍ക്ക് മരുന്ന്, ശസ്ത്രക്രിയ തുങ്ങിയവയടക്കം എല്ലാചികിത്സകളും പൂര്‍ണ്ണ സൗജന്യമാണ്. ജനറല്‍ മെഡിസിന്‍, ജനറല്‍സര്‍ജ്ജറി, അസ്ഥിരോഗം, ഗൈനക്കോളജി, കുട്ടികളുടെവിഭാഗം, ഇ.എന്‍.ടി, നേതൃരോഗം, ശ്വാസകോശരോഗം, ത്വക്ക് രോഗം, ദന്തരോഗം, മാനസികാരോഗ്യംതുടങ്ങിയ ജനറല്‍സ്‌പെഷ്യാലിറ്റിവിഭാഗങ്ങളിലെ ചികിത്സകളാണ് ഈ പദ്ധതിക്ക് കീഴില്‍ വരുന്നത്. വിവിധ ഗവണ്‍മെന്റ്‌സ്‌കീമുകള്‍, സമഗ്ര ആരോഗ്യ ഇന്‍ഷൂറന്‍സ് മുതലായ പദ്ധതികള്‍ക്ക് പുറമെയാണ് ഈ സൗകര്യം. 500, 1000 രൂപ നോട്ടുകള്‍ പിന്‍വലിച്ചതിനെ തുടര്‍ന്നുണ്ടായ സാമ്പത്തിക പ്രയാസങ്ങള്‍കൊണ്ട് ബുദ്ധിമുട്ടിയ രോഗികള്‍ക്ക് പദ്ധതി ഏറെ പ്രയോജനപ്രദമായെന്ന് ദേവാനന്ദ് കൂട്ടിചേര്‍ത്തു. പദ്ധതി 2017 മാര്‍ച്ച് 31 വരെതുടരുമെന്നും അദ്ദേഹംഅറിയിച്ചു. കൂടുതല്‍ വിവരങ്ങള്‍ക്ക് വിളിക്കേണ്ടനമ്പര്‍ : 04936 287 000, 8111881051
പ്രതികരിക്കാൻ ഇവിടെ എഴുതുക: