ചേര്ത്തല: കടക്കരപ്പള്ളി ആയുര്വേദ ആശുപത്രിയിലെ താല്കാലിക നിയമനത്തിന്റെ പേരില് ഗ്രാമപഞ്ചായത്തും ആരോഗ്യവകുപ്പധികൃതരും പോരടിക്കുന്നു. പഞ്ചായത്തുകമ്മിറ്റി ഏകകണ്ഠമായി നടത്തിയ താല്കാലിക നീയമനം റദ്ദാക്കാനുള്ള ജില്ലാ ആയുര്വേദ ആരോഗ്യവകുപ്പധികൃതരുടെ നീക്കമാണ് വിവാദമായിരുക്കുന്നത്.
ഇതിനെതിരെ ഗ്രാമപഞ്ചായത്ത് കമ്മിറ്റി ഒറ്റകെട്ടായി അണിനിരന്നിരിക്കുകയാണ്. പഞ്ചായത്തിനു കീഴിലുള്ളതാണ് ആശുപത്രി. പഞ്ചായത്തു കമ്മിറ്റി വിധവയായ വീട്ടമ്മക്കാണ് അറ്റന്ഡര് താല്കാലിക നീയമനം നല്കിയത്. എന്നാല് അവരെ മാറ്റി സമീപ പഞ്ചായത്തിലെ ആയുര്വേദ ആശുപത്രിയിലെ താല്കാലിക അറ്റന്ഡറെ എടുക്കണമെന്നാണ് ആയുര്വേദ വകുപ്പധികൃതരുടെ ആവശ്യം.
ഇത് അംഗീകരിക്കാനാകില്ലെന്ന് ഗ്രാമപഞ്ചായത്ത് പ്രസിഡന്റ് മെര്ലിന് സുരേഷ് പറഞ്ഞു. പ്രശ്നത്തെ ചൊല്ലി പഞ്ചായത്തധികൃതരും ആയുര്വേദ ആശുപത്രി അധികൃതരും തമ്മില് വാക്പോരു നടന്നിരുന്നു. ഇതിനെ ശക്തമായി നേരിടാനാണ് പഞ്ചായത്തു കമ്മിറ്റിയുടെ തീരുമാനം
