ശ്രീനഗര്: ജമ്മുകശ്മീരിന് പരമാധികാരം നല്കാനാവില്ലെന്ന് സുപ്രീംകോടതി. കശ്മീരികൾ ഇന്ത്യന് പൗരന്മാരാണെന്നും ഇന്ത്യന് ഭരണഘടനയെ അനുസരിച്ചാണ് അവര് ജീവിക്കേണ്ടതെന്നും ജസ്റ്റിസ് കുര്യന് ജോസഫ്, ആര്എഫ് നരിമാന് എന്നിവരടങ്ങിയ ബഞ്ച് വ്യക്തമാക്കി.
ഭരണഘടന അനുവദിച്ചു നല്കിയ ചില പ്രത്യേക അധികാരങ്ങള് ഉണ്ടെങ്കിലും ഇന്ത്യയിലെ ഒരു ഫെഡറല് സംസ്ഥാനം എന്നതിനപ്പുറമുള്ള പരമാധികാരം കശ്മീരിനില്ലെന്ന് സുപ്രീംകോടതി വ്യക്തമാക്കി . ഇന്ത്യന് സംസ്ഥാനങ്ങളില് സ്വന്തമായി ഭരണഘടനയുള്ള ഒരേ ഒരു സംസ്ഥാനമാണ് ജമ്മു കശ്മീര്. പണം തിരിച്ചടയ്ക്കാത്ത കടക്കാര്ക്കെതിരെ നേരത്തെ ബാങ്കുകള് നടപടി സ്വീകരിച്ചപ്പോള് സ്ഥിരം താമസക്കാരുടെ സ്വത്തിന് ജമ്മു-കശ്മീര് ഭരണഘടന നല്കുന്ന സംരക്ഷണം ചൂണ്ടിക്കാട്ടി ജമ്മു-കശ്മീര് ഹൈക്കോടതി അത് തടഞ്ഞിരുന്നു.
ഇതിനെതിരെ എസ്ബിഐ അടക്കമുള്ള ബാങ്കുകള് സുപ്രീംകോടതിയെ സമീപിക്കുകയായിരുന്നു. കടക്കാര്ക്കെതിരെ നടപടി സ്വീകരിക്കാന് ബാങ്കുകള്ക്ക് അനുമതി നല്കി കൊണ്ടാണ് ജമ്മു-കശ്മീരിന് നല്കിയ പ്രത്യേക പദവി പരമാധികാരമായി തെറ്റിദ്ധരിക്കരുതെന്ന് സുപ്രീംകോടതി വ്യക്തമാക്കിയത്.
