പേട്ട: ജനറല് ആശുപത്രിയില് പരസ്യബാനറുകള് ഇടംപിടിക്കുന്നു. ഒപി വിഭാഗങ്ങള് പ്രവര്ത്തിക്കുന്ന കെട്ടിടത്തിലാണ് ഇവ വ്യാപകമായി കെട്ടിയിരിക്കുന്നത്. ചുമരുകളില് പതിപ്പിച്ചിട്ടുളള ഒപി സംബന്ധിച്ചുളള നിര്ദ്ദേശങ്ങളെ മറയ്ക്കുന്ന വിധത്തിലാണ് ആശുപത്രിസംഘടനകളുടെ പരസ്യബാനറുകള് ഇടംപിടിച്ചിരിക്കുന്നത്.
ജനറല് മെഡിസിന് തുടങ്ങി കാന്സര്വരെ
ജനറല് ആശുപത്രിയില് നിര്ദേശങ്ങള് മറച്ച് പരസ്യബാനറുകള് നാട്ടിയിരിക്കുന്നു
യുളള പതിനാല് ഒപി വിഭാഗങ്ങളാണ് ഇവിടെയുളളത്. ദിനംപ്രതി നൂറുകണക്കിന് രോഗികളാണ് ചികിത്സതേടിയെത്തുന്നത്. പരസ്യബാനറുകളുടെ മറ കാരണം ഒപി വിഭാഗങ്ങള് എവിടെയാണെന്ന് അറിയാന് കഴിയാതെ പലരും പരക്കം പായുന്നത് നിത്യകാഴ്ചയാണ്. ഒപി അന്വേഷകര്ക്ക് ആശുപത്രി ജീവനക്കാരില് നിന്ന് കിട്ടുന്ന നിര്ദ്ദേശവും പരിമിതമാണ്. ചോദ്യം ആവര്ത്തിച്ചാല് ചിലരില് നിന്ന് ശകാരവും കേള്ക്കേണ്ടിവരും. അമിതമായ രോഗികളുടെ തിരക്കാണ് ഇതിന് കാരണം. ഇതേ സാഹചര്യത്തില് ഒപി കെട്ടിടത്തില് നിന്ന് പരസ്യബാനറുകള് നീക്കം ചെയ്യണമെന്ന് ജീവനക്കാരുടെയിടയില് ആവശ്യമുയര്ന്നെങ്കിലും നീക്കം ചെയ്യാന് സംഘടനകള് കൂട്ടാക്കുന്നില്ല. ആശുപത്രി പ്രധാനകവാടത്തിന് സമീപമുളള കെട്ടിടമാണ് ഒപി വിഭാഗം. ഏറ്റവും കൂടുതല് തിരക്ക് അനുഭവപ്പെടുന്നതും ഇവിടെയാണ്. അതുകൊണ്ടാണ് ആശുപത്രി സംഘടനകള് പരസ്യബാനറുകള് കെട്ടാന് ഇവിടെ സ്ഥലം കണ്ടെത്തിയിരിക്കുന്നത്. പരസ്യബാനറുകള് രാജഭരണ കാലത്തു നിര്മിച്ച കെട്ടിടത്തിന്റെ ഭംഗി പോലും നഷ്ടപ്പെടുത്തുന്നു. അതേസമയം ബാനറുകള് നീക്കം ചെയ്യിപ്പിക്കുന്നതില് അധികൃതരുടെ ഭാഗത്തുനിന്ന് നടപടിയുണ്ടാകുന്നില്ല.
