ന്യൂദല്ഹി: പഴയ നോട്ടുകള് രാഷ്ട്രീയ പാര്ട്ടികള്ക്ക് സ്വീകരിക്കാം എന്ന വാര്ത്തകള് വ്യാജമാണെന്ന് കേന്ദ്രധനമന്ത്രാലയം വ്യക്തമാക്കി. പാര്ട്ടികള്ക്ക് ധനവിനിയോഗത്തില് യാതൊരു നിയന്ത്രണവുമില്ലെന്ന തരത്തിലുള്ള പ്രചാരണവും ശരിയല്ല. പാര്ട്ടികളും നിരീക്ഷണ പരിധിയില് തന്നെയാണ്.
തെര. കമ്മീഷനില് രജിസ്റ്റര് ചെയ്ത എല്ലാ പാര്ട്ടികള്ക്കും നിരവധി പരിശോധനകള് ബാധകമാണ്. നികുതി നിയമത്തിന്റെ 13 എ വകുപ്പ് അനുസരിച്ചാണ് ചില ഇളവുകള് പാര്ട്ടികളുടെ സംഭാവനകള്ക്ക് ലഭിക്കുന്നത്. ഇതിന് നിരവധി രേഖകള് ഹാജരാക്കണം. കൃത്യമായ വരവ് ചെലവ് കണക്ക് ഹാജരാക്കണം.
ഇരുപതിനായിരം രൂപയില് കൂടുതലുള്ള സംഭാവനകള് നല്കിയ വ്യക്തിയുടെ വിവരങ്ങള് ഉള്പ്പെടെ രേഖപ്പെടുത്തി വേണം ബുക്ക് സൂക്ഷിക്കാന്. ഇത് ചാര്ട്ടേഡ് അക്കൗണ്ടന്റ് പ്രതിവര്ഷം സാക്ഷ്യപ്പെടുത്തി സമര്പ്പിക്കണം. സംഭാവനകളുടെ വിശദ വിവരങ്ങള് കമ്മീഷന് പാര്ട്ടികള് സമര്പ്പിക്കണം.
പുറമേ വരുമാന നികുതി നിയമത്തില് പാര്ട്ടികളുടെ സമ്പത്ത് സംബന്ധിച്ച പരിശോധനകള്ക്ക് നിരവധി വകുപ്പുകള് വേറെയുമുണ്ടെന്ന് കേന്ദ്രധനമന്ത്രാലയം വ്യക്തമാക്കി.
