കോട്ടയം: നാട്ടകം ഗവ: കോളേജ് ഹോസ്റ്റലില് ക്രൂരമായ റാഗിങിന് ഇരയായ ദളിത് വിദ്യാര്ത്ഥി അവിനാശിന് നീതി ലഭിക്കണമെന്ന് ആവശ്യപ്പെട്ട് എബിവിപി യുടെ നേതൃത്വത്തില് പ്രിന്സിപ്പലിന്റെ ഓഫീസ് ഉപരോധിച്ചു.
റാഗിങിന് വിധേയരായ ഇലക്ട്രിക്ക് ഡിപ്ലോമ വിദ്യാര്ത്ഥിയും ഇരിങ്ങാലക്കുട സ്വദേശിയുമായ അവിനാശിനെ തൃശൂരിലെ സ്വകാര്യ ആശുപത്രിയില് ഡയാലിസിന് വിധേയനാക്കി. റാഗിങിനെ തുടര്ന്ന് ഈ വിദ്യാര്ത്ഥിയുടെ വൃക്കകള്ക്ക് തകരാര് സംഭവിച്ചിരുന്നു. എറണാകുളം ചേരാനല്ലൂര് പാലിയംതുരുത്ത് സ്വദേശി ഷൈജു.ഡി.ഗോപിയും സ്വകാര്യ ആശുപത്രിയില് ചികിത്സയിലാണ്.
റാഗിങ് നടത്തി വിദ്യാര്ത്ഥികളെ മൃതപ്രായരാക്കിയ എസ്എഫ്ഐ പ്രവര്ത്തകരെ അറസ്റ്റ് ചെയ്ത് നിയമത്തിന് മുന്പില് കൊണ്ടുവരാതെ അവരെ സംരക്ഷിക്കുകയാണ് കോളേജ് അധികൃതരും ഭരണ വര്ഗവും ചെയ്യുന്നതെന്ന് എബിവിപി കുറ്റപ്പെടുത്തി.
പോളിടെക്നിക് ഹോസ്റ്റലില് നിരന്തരമായി റാഗിങും മാനസിക പീഡനങ്ങളും നടന്നിട്ട് അധികൃതര് നടപടികള് കൈക്കൊള്ളാത്തതാണ് ഇപ്പോള് മാരകമായ പീഡനങ്ങള്ക്ക് വഴിയൊരുക്കിയതെന്ന് എബിവിപി ആരോപിച്ചു. ശാരീരിക പീഡനങ്ങള് പുറത്തു പറഞ്ഞാല് കൊന്നുകളയുമെന്ന് ഭീഷണിപ്പെടുത്തുകയും, ക്രൂര മര്ദ്ദനങ്ങള്ക്ക് ഇരയാക്കുകയും ചെയ്യുന്നത് ഇവിടെ പതിവാണെന്ന് എബിവിപി പ്രവര്ത്തകര് ചൂണ്ടിക്കാട്ടി.
ഹോസ്റ്റലിനുളളില് ആയുധ ശേഖരവും കഞ്ചാവ് മയക്കുമരുന്നു തുടങ്ങിയ ലഹരി വസ്തുകളുടെ സുലഭമായ വിതരണവും നടക്കുന്നുണ്ട്. ഇതിന് എസ്എഫ്ഐ യാണ് പൂര്ണ പിന്തുണ കൊടുക്കുന്നത്. ഡിസംബര് 2 ന് നടന്ന സംഭവത്തില് ഇത്രയും വൈകി നടപടിയെടുത്തതില് ദുരൂഹത ഉണ്ടെന്നും ഹോസ്റ്റല് വാര്ഡന്റെ പിന്തുണയോടായാണ് സംഭവം നടന്നത്. ഇത് മറച്ചുവെച്ച പ്രിന്സിപ്പല് തല്സ്ഥാനത്തിരിക്കാന് യോഗ്യതയില്ലെന്നും ആരോപിച്ചായിരുന്നു ഉപരോധം.
ഉപരോധ സമരം എ.ബി.വി.പി സംസ്ഥാന ജോയിന്റെ സെക്രട്ടറി ആര്. കൃഷ്ണരാജ് ഉദ്ഘാടനം ചെയ്തു. കുറ്റക്കാരായ വിദ്യാര്ത്ഥികള്ക്കെതിരെ വധശ്രമത്തിന് കേസെടുക്കുക, പ്രതികളായ വിദ്യാര്ത്ഥികളെ കോളേജില് നിന്നും പുറത്താക്കുക, കോട്ടയം ജില്ലാ പോലീസ് മേധാവിയുടെ നേതൃത്വത്തില് ഹോസ്റ്റല് റെയ്ഡ് നടത്തുക, ഹോസ്റ്റല് വാര്ഡനെ യുദ്ധകാലടിസ്ഥാനത്തില് മാറ്റുക തുടങ്ങിയ ആവശ്യങ്ങളും എബിവിപി ഉന്നയിച്ചു. മാതൃകാപരമായ നടപടി അധികൃതര് കൈക്കൊണ്ടില്ലെങ്കില് എബിവിപി യുടെ നേതൃത്വത്തില് തിങ്കളാഴ്ച്ച ഹോസ്റ്റല് റെയ്ഡ് ചെയ്യുമെന്ന് സംസ്ഥാന ജോയിന്റ് സെക്രട്ടറി ആര്.കൃഷ്ണരാജ് പറഞ്ഞു.പ്രിന്സിപ്പല് ഓഫീസ് ഉപരോധത്തിന് നേതൃത്വം നല്കിയ അരുണ് കെ.സി ,വി.എസ.് വിഷ്ണു, എസ്. ശരത്ത്, മണിക്കുട്ടന് എന്നിവരെയാണ് ചിങ്ങവനം പോലിസ് അറസ്റ്റ് ചെയ്ത് നീക്കിയത്.
