നെയ്യാറ്റിന്കര: ഡിവൈഎഫ്ഐ മേഖലാ സമ്മേളനം കൂട്ടത്തല്ലിനെ തുടന്ന് നിര്ത്തിവച്ചു. സിപിഎം നേതാക്കളെ ഡിവൈഎഫ്ഐക്കാര് കൈയ്യേറ്റം ചെയ്തു. ഡിവൈഎഫ്ഐ പരശുവയ്ക്കല് മേഖലാ സമ്മേളനം ശനിയാഴ്ച സിപിഎം ജില്ലാനേതാവ് രതീന്ദ്രന് ഉദ്ഘാടനം ചെയ്തു. ഉദ്ഘാടന പ്രസംഗത്തില് ഡിവൈഎഫ്ഐ പ്രവര്ത്തകര് യുവജനപ്രസ്ഥാനങ്ങള്ക്ക് മാതൃക എന്നായിരുന്നു പറഞ്ഞത്. മാതൃക എന്തെന്ന് സമാപന ദിവസം ജനങ്ങള്ക്ക് മുമ്പില് ഡിവൈഎഫ്ഐ പ്രവര്ത്തകര് തുറന്നു കാട്ടി. പരശുവയ്ക്കലിലെ സ്വകാര്യ വിവാഹ മണ്ഡപത്തില് വച്ചായിരുന്നു സമ്മേളനം. സമ്മേളനത്തിന്റെ സമാപന ദിവസമായ ഇന്നലെ വിമതപക്ഷ നേതാവും ജില്ലാ പഞ്ചായത്ത് അംഗവുമായ ബെന്ഡാര്വിന് സമാപന യോഗം ഉദ്ഘാടനം ചെയ്തു. ഉദ്ഘാടനത്തിനു ശേഷം ഭാരവാഹികളെ തെരഞ്ഞെടുക്കാനുള്ള ചര്ച്ചയും ആരംഭിച്ചു. സിപിഎമ്മിനെ നയിക്കുന്ന ഔദ്യോഗിക പക്ഷം നിര്ദേശിച്ച ഭാരവാഹികളെ വിമത പക്ഷ സംഘം അംഗീകരിച്ചില്ല. തുടര്ന്ന് ഡിവൈഎഫ്ഐ പ്രവര്ത്തകര് ഗ്രൂപ്പ് തിരിഞ്ഞ് ഏറ്റുമുട്ടി. സംഭവസ്ഥലത്തെത്തിയ സിപിഎം ലോക്കല് സെക്രട്ടറി ഉള്പ്പടെയുള്ള നേതാക്കന്മാരെ കൈയ്യേറ്റം ചെയ്തശേഷം തല്ലിയോടിച്ചു. ഡിവൈഎഫ്ഐ ജില്ലാകമ്മിറ്റി അംഗം നവനീത്, ഏര്യാകമ്മിറ്റി അംഗം ജോജി, മറ്റ് സിപിഎം ലോക്കല് കമ്മിറ്റി അംഗങ്ങള്ക്കും മര്ദ്ദനമേറ്റു. അസഭ്യവര്ഷം ഇരുകൂട്ടരും ഉച്ചത്തില് നടത്തി. വേദിയിലും സദസിലും ഉണ്ടായിരുന്ന വനിതാ നേതാക്കളടക്കം ആഡിറ്റോറിയത്തില് നിന്നും ഇറങ്ങിയോടി. കൂടുതല് സിപിഎം നേതാക്കള് എത്തിയെങ്കിലും കല്ലും കണ്ണില്കണ്ട തടി കഷണങ്ങളുമായി നില്ക്കുന്ന കുഞ്ഞ് സഖാക്കന്മാരെ കണ്ട് പേടിച്ച് സമ്മേളന ഹാളിലേക്ക് പോയില്ല. സംഘര്ഷം അരങ്ങേറുമ്പോള് പുറത്ത് നാട്ടുകാര് കാണികളായി നോക്കി നിന്നു. സിപിഎം നേതാക്കളെ കൈയ്യേറ്റം ചെയ്യുന്നവസ്ഥയിലേക്ക് സമ്മേളനം നീങ്ങിയതോടെ ഭാരവാഹികളെ തെരഞ്ഞെടുക്കാതെ സമ്മേളനം നിര്ത്തിവയ്പ്പിച്ചു. സമ്മേളനം നടന്ന ഹാളിനും കേടുപാടുകള് സംഭവിച്ചു.
വല്യേട്ടന്മാര്ക്ക് കൈയേറ്റവും മര്ദ്ദവും കൂട്ടത്തല്ല്: ഡിവൈഎഫ്ഐ സമ്മേളനം നിര്ത്തിവച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.