കമ്പളക്കാട് : ആദിവാസി സമൂഹത്തിന്റെ ബുദ്ധിമുട്ടുകള്‍ക്കും യാതനകള്‍ക്കും അറുതിവരുത്തണമെന്നും, ഒരുപാട് സമരം നയിച്ചാല്‍ മാത്രമേ കേരളത്തില്‍ ആദിവാസികള്‍ക്ക് ജീവിക്കാന്‍ സാധിക്കൂ എന്നതിന് മാറ്റം വരണമെന്നും പട്ടികജാതി പട്ടികവര്‍ഗ്ഗ മോര്‍ ച്ച സംസ്ഥാന പ്രസിഡന്റ് അ ഡ്വ പി.സുധീര്‍. ആദിവാസി സംഘം കല്‍പ്പറ്റ മണ്ഡലം കണ്‍വെന്‍ഷന്‍ ആനേരിയില്‍ ഉദ്ഘാടനം ചെയ്ത് സംസാരി ക്കുകയായിരുന്നു അദ്ദേഹം.
ഭാരതത്തിലെ ഏത് സമരങ്ങളെടുത്താലും ആദിവാസി സമൂഹത്തിന് അതില്‍ വലിയൊരു പങ്കുണ്ടായിട്ടുണ്ട്. ജീവിക്കാന്‍ വേണ്ടി സമരം ചെയ്യേണ്ട ഒരു സാഹചര്യമാണ് ഇടത്-വലത് മുന്നണികള്‍ കേരളത്തില്‍ ഉണ്ടാക്കിയിട്ടുള്ളത്. സ്വാതന്ത്ര്യം കിട്ടി അരനൂറ്റാണ്ട് കഴിഞ്ഞിട്ടും. ഇടതും വലതും മാറിമാറി ഭരിച്ചിട്ടും പട്ടികജാതി-പട്ടികവര്‍ഗ്ഗക്കാരന്റെ ഒരു പ്രശ്‌നത്തിനുംപോലും പരിഹാരം കാണാനോ, ഒരു ആദിവാസി കോളനിയില്‍പോലും വികസനമെത്തിക്കാനോ ജീവിതസാഹചര്യമുണ്ടാക്കാനോ കഴിഞ്ഞിട്ടില്ല. ഭരണഘടന പ്രകാരം ആദിവാസികള്‍ക്ക് നല്‍കേണ്ടത് ഔദാര്യമല്ല അവകാശമാണ്. അത് നേടിയെടുക്കാ ന് ആദിവാസി സംഘം മുന്നിട്ടിറങ്ങും. ഭൂമിയുടെ പേരില്‍ ആദിവാസികളെ ഇടതും വലതും വഞ്ചിച്ചു. ഒരുപാട് ഭൂമിയുണ്ടായിരുന്ന ജനവിഭാഗമായിരുന്നു ആദിവാസി സമൂഹം. എന്നാല്‍ സംഘടിതമായിട്ടുള്ള കയ്യേറ്റത്തിന്റെയും പ്രലോഭനത്തിന്റെയും വഴിയിലൂടെ 1965 കാലഘട്ടത്തില്‍ ആദിവാസികള്‍ക്ക് ഭൂമി നഷ്ടപ്പെട്ടു. 1975 ല്‍ അച്ചുതമേനോന്‍ സര്‍ക്കാര്‍ നിയമം പ്രഖ്യാപിച്ചുവെങ്കിലും സംഘടിത മത വിഭാഗത്തിന്റെ എതിര്‍പ്പുമൂലം ആ നിയമം നോക്കുകുത്തിയായി. ആദിവാസികള്‍ക്കുവേണ്ടി നിയമങ്ങള്‍ മാത്രം പ്രഖ്യാപിക്കേനെ ഇരുമുന്നണികള്‍ക്കും സാധിച്ചുള്ളൂ. മൂന്ന് പഞ്ചവത്സര പദ്ധതികളായി 900 കോടി രൂപയാണ് മുന്‍ കേന്ദ്ര സര്‍ക്കാരും സംസ്ഥാന സര്‍ക്കാരും അഴിമതി നടത്തിയത്. ആദിവാസികള്‍ക്കുവേണ്ടിയുള്ള ഫണ്ട് മുന്‍ മന്ത്രി ജയലക്ഷ്മിയുടെ ബന്ധുക്കള്‍ക്കും സുഹൃത്തുക്കള്‍ക്കുംമാത്രമായി വീതിച്ചു. മൂന്ന് മാസം കൊണ്ട് കേരളത്തില്‍ 31 ആദിവാസി പെണ്‍കുട്ടികളാണ് പീഡിപ്പിക്കപ്പെട്ടത്. പട്ടി കടിച്ചവര്‍ക്കുവേണ്ടി ഉണര്‍ന്നെണീറ്റ സര്‍ക്കാര്‍ ആദിവാസി പെണ്‍കുട്ടികള്‍ മരിച്ചപ്പോള്‍ കണ്ടില്ലെന്നു നടിച്ചു. ഭൂമിക്കുവേണ്ടിയുള്ള പോരാട്ടത്തിന് ആദിവാസി സംഘം വയനാട്ടില്‍ നേതൃത്വം നല്‍കും.
കോളനികളില്‍ മാവോയിസ്റ്റുകള്‍ നുഴഞ്ഞുകയറാന്‍ ശ്രമിക്കുന്നതിനെ ആദിവാസി സംഘം ചെറുക്കും. ഒരുപാട് പോലീസുകാരെ കൊന്നൊടുക്കിയ മാവോയിസ്റ്റുകളെ പിന്തുണക്കുന്നത് പോലീസുകാരോടും അവരുടെ കുടുംബത്തോടും പൊതുജനങ്ങളോടും ചെയ്യുന്ന അനീതിയാണ്. വെയ്റ്റിംഗ് ഷെഡിനും സ്‌കൂള്‍ കഞ്ഞിപ്പുരക്കും അഞ്ച് ലക്ഷം രൂപ പ്രഖ്യാപിക്കുന്ന സര്‍ക്കാര്‍ ആദിവാസി ഭവന പദ്ധതിക്കായി രണ്ട് ലക്ഷം മാത്രമാണ് പ്രഖ്യാപിക്കുന്നത്. ആദിവാസികളോട് കടമയും കടപ്പാടും ഉണ്ടെങ്കില്‍ പിണറായി വിജയന്‍ സര്‍ക്കാര്‍ ആദിവാസി ഭവനപദ്ധതിയുടെ ഫണ്ട് പത്ത് ലക്ഷമാക്കിയുയര്‍ത്തണമെന്നും അദ്ദേഹം ആവശ്യപ്പെട്ടു.
ആദിവാസി സംഘം മണ്ഡലം പ്രസിഡന്റ് രാമചന്ദ്രന്‍ ത രിയോട് അദ്ധ്യക്ഷത വഹി ച്ചു. സംസ്ഥാന സെക്രട്ടറി പള്ളിയറ മുകുന്ദന്‍, ബിജെപി ജില്ലാപ്രസിഡന്റ് സജി ശങ്കര്‍, ജനറല്‍സെക്രട്ടറി മോഹന്‍ദാസ്, ലക്ഷ്മി കക്കോട്ടറ, ആരോട രാമചന്ദ്രന്‍, പള്ളിയറ രാമന്‍, എം.ശാന്തകുമാരി, ബാബു പടിഞ്ഞാറത്തറ, ലക്ഷ്മികുട്ടി ആനേരി, ടി.എം.സൂബീഷ്, സുരേഷ് ആനേരി, പാലേരി രാമന്‍, കെ.സുബ്രഹ്മണ്യ ന്, രാജ്‌മോഹന്‍, ജോസഫ് വളവനാല്‍, രാമചന്ദ്രന്‍ അഞ്ചുക്കുന്ന് തുടങ്ങിയവര്‍ പ്രസംഗി ച്ചു
പ്രതികരിക്കാൻ ഇവിടെ എഴുതുക: