പെരിന്തല്‍മണ്ണ: നോട്ട് പ്രതിസന്ധിയുടെ പേരില്‍ ജനങ്ങള്‍ വലയുകയാണെന്ന കുപ്രചരണത്തെ പൊളിച്ചടുക്കി പെരിന്തല്‍മണ്ണ നഗരം. 500, 1000 രൂപയുടെ നോട്ടുകള്‍ നിരോധിച്ചിട്ട് ഒരു മാസം കഴിയുമ്പോഴും തുക പിന്‍വലിക്കാന്‍ എടിഎം കൗണ്ടര്‍ അന്വേഷിച്ച് നെട്ടോട്ടമോടുന്ന അനുഭവം പെരിന്തല്‍മണ്ണയിലെ ജനങ്ങള്‍ക്കില്ല.
ഊട്ടി റോഡിലുള്ള ആക്‌സിസ് ബാങ്ക് എടിഎമ്മും കോഴിക്കോട് റോഡിലുള്ള എച്ച്ഡിഎഫ്‌സി എടിഎമ്മും സദാ പ്രവര്‍ത്തന സജ്ജമാണ്. പട്ടാമ്പി റോഡിലെ ഏറ്റവും തിരക്കേറിയ എസ്ബിടി എടിഎമ്മിനു പോലും തുടര്‍ച്ചയായി അടഞ്ഞു കിടക്കേണ്ട ഗതികേട് ഉണ്ടായിട്ടില്ല.
എടിഎമ്മില്‍ നിന്ന് 2000 രൂപ ലഭിച്ചാലും അത് ചില്ലറയാക്കാനും ബുദ്ധിമുട്ട് ഇല്ലെന്ന് ജനങ്ങള്‍ പറയുന്നു. ഹോട്ടലുകളിലും പലചരക്ക് കടകളിലും ചില്ലറ ലഭിക്കാറുണ്ടെന്നാണ് ജനങ്ങള്‍ പറയുന്നു.
അതേസമയം ജനങ്ങളില്‍ ഭീതി പരത്തുന്ന രീതിയിലുള്ള പ്രചരണങ്ങളാണ് ചില രാഷ്‌ട്രീയ പാര്‍ട്ടികളും മത സംഘടനകളും നടത്തുന്നത്.
പ്രതികരിക്കാൻ ഇവിടെ എഴുതുക: