കോഴഞ്ചേരി: പുല്ലാട് ശിവപാര്‍വ്വതി ബാലികാസദനത്തിലെ ആര്യാചന്ദ്രന് പാലക്കാട് മൊട്ടക്കാലായില്‍ രാജേഷ് താലിചാര്‍ത്തി. ഇന്നലെ ഉച്ചകഴിഞ്ഞ് 12.5 നും 12.27 നും ഇടയിലുള്ള ശുഭമുഹൂര്‍ത്തത്തില്‍ സദനത്തിന്റെ തിരുമുറ്റത്തെ കതിര്‍മണ്ഡപത്തില്‍ നടന്ന ചടങ്ങില്‍ പ്രമുഖ വ്യക്തികളടക്കം നിരവധിപേര്‍ സാക്ഷികളായി.
ബാലികാസദനം ജോ.സെക്രട്ടറി മഹേഷ് വരനെ സ്വീകരിച്ചു. വഞ്ചിപ്പാട്ടിന്റെ അകമ്പടിയോടെയാണ് വരനേയും കൂട്ടരേയും കതിര്‍മണ്ഡപത്തിലേക്ക് ആനയിച്ചത്. പ്രാര്‍ത്ഥനയോടെ ചടങ്ങിന് ആശംസനേരാനെത്തിയ നൂറുകണക്കിന് ആളുകളെ സാക്ഷിയാക്കി രാജേഷ് ആര്യയുടെ കഴുത്തില്‍ താലിചാര്‍ത്തി. ബാലികാസദനം പ്രസിഡന്റ് അജയകുമാര്‍ വല്യൂഴത്തില്‍ വരന്റെ കൈകളിലേക്ക് താലിമാല എടുത്തു നല്‍കി.
ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ കന്യകാദാനം നിര്‍വ്വഹിച്ചു. വിശ്വഹിനന്ദുപരിഷത്ത് സംസ്ഥാന അദ്ധ്യക്ഷന്‍ എസ്.ആര്.ജെ കുമാര്‍ , അജയകുമാര്‍ വല്യുഴത്തില്‍, അമ്പോറ്റി കോഴഞ്ചേരി, തുടങ്ങിയവര്‍ ആശംസകളര്‍പ്പിച്ചു.
തപസ്യ കലാ പ്രവര്‍ത്തകരും ആറന്മുള ശബരിബാലാശ്രമം പ്രവര്‍ത്തകരും അവതരിപ്പിച്ച ഗാനസുധ വിവാഹ ചടങ്ങുകള്‍ക്ക് പൊലിമയേകി. വിഎച്ച്പി സംസ്ഥാന സെക്രട്ടറി വി.മോഹനന്‍, ഓര്‍ഗനൈസിംങ് സെക്രട്ടറി എം.സി.വത്സന്‍, ട്രഷറാര്‍ ശ്രീനിവാസന്‍, വിവിധ സംഘപരിവാര്‍ സംഘടനാ ഭാരവാഹികളായ പി.എന്‍.വിജയന്‍, കെ.എന്‍.ഗോപാലകൃഷ്ണന്‍, വിജയകുമാര്‍, പി.ആര്.മണിയന്‍, സുഭാഷ് ഓതറ, ഉഷാ ഓമനക്കുട്ടന്‍, അയ്യപ്പന്‍കുട്ടി കോട്ടപ്പാറ, ജി.ബിനു, എന്‍.കെ.നന്ദകുമാര്‍, അജിത്ത് പുല്ലാട്, രാധാമണിയമ്മ, ഉണ്ണികൃഷ്ണന്‍, എസ്.ആര്.മോഹനന്‍ എന്നിവരും ജില്ലാ പഞ്ചായത്ത്പ്രസിഡന്റ് അന്നപൂര്‍ണ്ണാദേവി , ബ്ലോക്ക് പഞ്ചായത്ത് പ്രസിഡന്റ് നിര്‍മ്മലാ മാത്യുസ്, പഞ്ചായത്ത് പ്രസിഡന്റ് മോന്‍സി കിഴക്കേടത്ത്, തുടങ്ങിയവരും പങ്കെടുത്തു
പ്രതികരിക്കാൻ ഇവിടെ എഴുതുക: