തുറവൂര്: എഴുപുന്ന പഞ്ചായത്തിലെ പെരുന്തോട് പാടശേഖരത്തില് നെല്കൃഷി നടത്താതെ മുഴുവന് സമയവും മല്സ്യകൃഷി നടത്തുന്നതിനെതിരെ പ്രദേശവാസികള് പ്രക്ഷോ ഭത്തിനൊരുങ്ങുന്നു.110 ഏക്കര് വരുന്ന പാടശേഖരമാണിത്. ഓരുവെള്ളത്തിന്റെ അതിപ്രസരം മൂലം പ്രദേശത്തെ എഴുപതോളം വീടുകള് തകര്ന്നിരിക്കുകയാണ്.പൊതുതോട്ടിലൂടെ ഓരുവെള്ളം കയറ്റി കെട്ടി നിര്ത്തുന്നതുമൂലമാണ് വീടുകള് നശിക്കുന്നതെന്ന് നാട്ടുകാര് പറഞ്ഞു. വീടിന്റെ ഭിത്തികളുടെ സിമന്റ്, തേപ്പ് ഓരിന്റെ ആധിക്യം മൂലം പൂര്ണ്ണമായും തെളളി പോകുകയാണ്.പല വീടുകളും നിലം പതിക്കാവുന്ന അവസ്ഥയിലുമാണ്.
പൊതുതോട്ടില് ഓരുവെള്ളം കെട്ടി നിര്ത്തുന്നതുമൂലം ചുറ്റുമുള്ള ജല സ്രോതസുകളും മലിനമാകുകയാണ്. കുളിക്കുന്നതിനും വസ്ത്രങ്ങള് കഴുകുന്നതിനും പ്രദേശവാസികള് കിലോമീറ്റര് ദൂരം പോയിട്ടാണ് വെള്ളം സംഭരിക്കുന്നത്. കുടിനീര് ക്ഷാമവും രൂക്ഷമാണ്.ഒരു നെല്ല്, ഒരു മീന് എന്ന സര്ക്കാര് കൃഷിസമ്പ്രദായം പെരുന്തോട് പാടശേഖര സമിതി അട്ടിമറിച്ചിരിക്കുകയാണെന്ന് നാട്ടുകാര് വ്യക്തമാക്കി.
ഓരുവെള്ളം പൊതുതോട്ടില് കെട്ടി നിര്ത്തുന്നത് അടിയന്തരമായി തടയണമെന്നും വീട് നശിച്ചവര്ക്കും പുനര്നിര്മാണത്തിനള്ള സാമ്പത്തിക സഹായം നല്കന്നമെന്നും നാട്ടുകാര് അധികൃതരോട് ആവശ്യപ്പെട്ടു.നടപടി സ്വീകരിച്ചില്ലെങ്കില് എഴുപുന്ന ഗ്രാമപഞ്ചായത്ത് ഓഫീസ് ഉപരോധം ഉള്പ്പെടെയുള്ള സമരപരിപാടികള് സംഘടിപ്പിക്കാനുള്ള നീക്കമാണ് നാട്ടുകാര് നടത്തുന്നത്.
