വഡോദര: ‘പെണ്കുട്ടികളെ രക്ഷിക്കൂ, പെണ്കുട്ടികള്ക്ക് വിദ്യാഭ്യാസം നല്കൂ’ എന്ന മുദ്രാവാക്യവുമായി എന്ആര്ഐ വനിതയുടെ 32000 കിലോമീറ്റര് ഒറ്റയ്ക്കുള്ള കാര്യാത്ര പൂര്ത്തിയായി. യുകെയില് നിന്നും ഇന്ത്യയിലെ തന്റെ ജന്മദേശമായ ഗുജറാത്തിലെ നവ്സാരി ജില്ലയിലേയ്ക്കായിരുന്നു കാര് യാത്ര.
നാവ്സാരിയില് നടന്ന അനമോദനയോഗത്തിലാണ് ഭാരുലത കാംബ്ലെ തന്റെ ദൗത്യം പൂര്ത്തീകരിച്ചകാര്യം വ്യക്തമാക്കിയത്. 57 ദിവസം കൊണ്ട് 32 രാജ്യങ്ങള് സഞ്ചരിച്ചാണ് ഇവര് ഇന്ത്യയില് എത്തിയത്. തന്റെ ജന്മനാട്ടിലെ ആശുപത്രിയില് ആരോഗ്യരക്ഷാ സൗകര്യം ഒരുക്കുന്നതിനായി സഞ്ചരിച്ച 32 രാജ്യങ്ങളില് നിന്നും ഫണ്ട് ശേഖരിച്ചതായും ഇവര് പറഞ്ഞു.
തന്റെ മുത്തച്ഛന് മരുന്നിന്റെ ദൗര്ലഭ്യം മൂലമാണ് ആശുപത്രി കിടക്കയില് കിടന്ന് മരിച്ചത്. 57 ദിവസം കൊണ്ട് 32000 കിലോമീറ്റര് ഒറ്റയ്ക്ക് കാറില് സഞ്ചരിച്ച ആദ്യവനിത താനാണെന്നും ഇവര് അവകാശപ്പെട്ടു.
ഒന്പത് പര്വ്വതനിരകളും, മൂന്ന് മരുഭൂമികളും രണ്ട് വന്കരകളും ഈ യാത്രയില് താണ്ടിയതായി കാംബ്ലെ പറഞ്ഞു. ഈ യാത്ര ഗിന്നസ് ബുക്ക് റെക്കോഡായി മാറുമെന്നും ചുണ്ടിക്കാണിക്കപ്പെടുന്നു.
