തലശ്ശേരി: എക്സൈസ് കായികമേളയുടെ ഭാഗമായി ക്രിക്കറ്റ് മത്സരം തലശ്ശേരി കോണോര്വയല് ക്രിക്കറ്റ് സ്റ്റേഡിയത്തില് നടന്നു. നാല് സോണുകളില് നിന്നായി നാല് ടീമുകളാണ് മത്സരത്തില്പങ്കെടുത്തത്. എക്സൈസ് കമ്മീഷണര് ഋഷിരാജ് സിംഗിന്റെ സാന്നിദ്ധ്യത്താല് മത്സരം ശ്രദ്ദേയമായി. മത്സരത്തിന്റെ ആദ്യറൗണ്ടില് അഞ്ചാം പന്തില് ഔദ്യോഗിക ജീവിതത്തിലെ മിന്നുന്ന താരം പുറത്തായി. ഇടുക്കി, കാസര്കോഡ്, തിരുവനന്തപുരം, പാലക്കാട്, ടീമുകളാണ് മത്സരത്തില് പങ്കെടുത്തത്. ഋഷിരാജ് സിംഗ് ക്യാപ്റ്റനായ തിരുവനന്തപുരവും കാസര് കോഡ് ടീമും തമ്മിലായിരുന്നു ആദ്യമത്സരം. ഇടുക്കിയും കാസര്കോഡും തമ്മില് നടന്ന ആദ്യമത്സരത്തില് പതിനൊന്ന് റണ്സിന് ഇടുക്കി കാസര്കോഡിനെ പരാജയപ്പെടുത്തി. വകുപ്പിലെ ഉദ്യോഗസ്ഥന്മാര് എല്ലാവരും ഉദ്യോഗസ്ഥ ശ്രേണിയിലെ ഭേദങ്ങളില്ലാതെ മത്സരത്തില് പങ്കെടുത്തുവെന്ന് ഋഷിരാജ് സിംഗ് പറഞ്ഞു. അഞ്ചാം പന്തില് തന്നെ പുറത്തായതിനെക്കുറിച്ചുള്ള ചോദ്യത്തിന് ഋഷിരാജ് സിംഗ് പ്രതികരണം ഇങ്ങനെ” അതെല്ലാം കളിയുടെ ഭാഗം”
എക്സൈസ് വകുപ്പിന്റെ കായിക മേളയുടെ ഭാഗമായി നടന്ന ക്രിക്കറ്റ് മത്സരത്തില് എ.എന്.ഷംസീര് എം.എല്.എ കളിക്കാരെ പരിചയപ്പെട്ടു. കഴിഞ്ഞ വര്ഷം നടന്ന എ.ബി.സി.ഡി. ഡിവിഷന് ക്രിക്കറ്റ് ടൂര്ണ്ണമെന്റിലെ വിജയികള്ക്കുള്ള ഉപഹാരം നല്കി. എക്സൈസ് വകുപ്പ് കായിക മേളയുടെ ഭാഗമായി വിവിധ ഇനങ്ങളില് മത്സരം നടക്കുന്നുമുണ്ട്. നഗരസഭാ ചെയര്മാന് സി.കെ.രമേശന്, അസി. എക്സൈസ് കമ്മീഷണര് എന്നിവര് കളിക്കാരെ പരിചയപ്പെടുന്ന വേളയില് എം.എല്.എയെ അനുഗമിച്ചു.
ഇന്നലെ നടന്ന ക്രിക്കറ്റ് മത്സരത്തില് പാലക്കാടിനെ തോല്പിച്ച് ഇടുക്കി ചാമ്പ്യന്മാരായി.
കണ്ണൂര്: സംസ്ഥാനത്തിന്റെ വിവിധ ഭാഗങ്ങളില് നിന്നുള്ള ആയിരത്തോളം കലാകാരന്മാരും കായിക താരങ്ങളും പങ്കെടുക്കുന്ന മേളയുടെ ഔപചാരിക ഉദ്ഘാടനം ഇന്ന് രാവിലെ ഒമ്പതിന് കണ്ണൂര് പോലീസ് പരേഡ് ഗ്രൗണ്ടില് എക്സൈസ്-തൊഴില് വകുപ്പ് മന്ത്രി ടി.പി. രാമകൃഷ്ണന് ഉദ്ഘാടനം ചെയ്യും. തുറമുഖ വകുപ്പ് മന്ത്രി രാമചന്ദ്രന് കടന്നപ്പള്ളി അധ്യക്ഷനാവും.
മേയര് ഇ.പി.ലത, എം
എല്എമ ാരായ കെ.സി. ജോസഫ്, സി. കൃഷ്ണന്, ടി.വി. രാജേഷ്, കെ.എം. ഷാജി, എ.എന്. ഷംസീര്, എക്സൈസ് കമ്മീഷണര് ഋഷിരാജ് സിങ് ജോയിന്റ് എക്സൈസ് കമ്മീഷണര് കെ.എ. ജോസഫ്, ജില്ലാ കലക്ടര് മിര് മുഹമ്മദ് അലി, ജില്ലാ പോലീസ് മേധാവി കോറി സഞ്ജയ്കുമാര് ഗുരുദിന്, കണ്ണൂര് ഡെപ്യൂട്ടി എക്സൈസ് കമ്മീഷണര് വി.വി. സുരേന്ദ്രന് തുടങ്ങിയവര് പങ്കെടുക്കും. മാര്ച്ച്പാസ്റ്റും ഉദ്ഘാടനച്ചടങ്ങിനോടനുബന്ധിച്ച് നടക്കും.
