വടകര: കോഴിക്കോട് റവന്യൂ ജില്ലാ ശാസ്ത്രമേളയില് ഗണിത ശാസ്ത്രമേളയിലെ മുഴുവന് ഇനങ്ങളും പൂര്ത്തിയായപ്പോള് ഹയര്സെക്കണ്ടറി വിഭാഗത്തില് കോഴിക്കോട് സിറ്റി ഉപജില്ലയും ഹൈസ്കൂള് വിഭാഗത്തില് തോടന്നൂര് ഉപജില്ലയും ജേതാക്കള്. ഹയര്സെക്കണ്ടറി വിഭാഗത്തില് വടകര, ബാലുശേരി യഥാക്രമം രണ്ടും മൂന്നും സ്ഥാനങ്ങള് കരസ്ഥമാക്കി. കോഴിക്കോട് പ്രൊവിഡന്സ് ഗേള്സ് ഹയര്സെക്കണ്ടറി സ്കൂള് ബെസ്റ്റ് സ്കൂളായും തിരഞ്ഞെടുത്തു. ഹൈസ്കൂള് വിഭാഗത്തില് രണ്ടാം സ്ഥാനം കൊയിലാണ്ടി സബ്ജില്ലയും മേലടി, വടകര സബ്ജില്ലകള് മൂന്നാം സ്ഥാനവും പങ്കിട്ടും. കൊയിലാണ്ടി സബ്ജില്ലയിലെ തിരുവങ്ങൂര് എച്ച്.എസ്.എസാണ് ബെസ്റ്റ് വിദ്യാലയം. എല്.പി വിഭാഗത്തില് വടകര സബ്ജില്ല ഒന്നാം സ്ഥാനം നേടിയപ്പോള് നാദാപുരം, ബാലുശ്ശേരി സബ്ജില്ലകള് രണ്ടാം സ്ഥാനവും മേലടി ഉപജില്ല മൂന്നാം സ്ഥാനവും നേടി. ബെസ്റ്റ് വിദ്യാലയമായി തൊണ്ടി കുളങ്ങര എല്.പി സ്കൂളും തിരഞ്ഞെടുക്കപ്പെട്ടു.
യു.പി വിഭാഗത്തില് നാദാപുരം സബ്ജില്ല ഒന്നാം സ്ഥാനവും വടകര, മേലടി സബ്ജില്ലകള് യഥാക്രമം രണ്ടും മൂന്നും സ്ഥാനങ്ങള് കരസ്ഥമാക്കി. ബെസ്റ്റ് സ്കൂളായി ജി.യു.പി.എസ് നാദാപുരവും തിരഞ്ഞെടുക്കപ്പെട്ടു.
പ്രവൃത്തിപരിചയ മേള യു.പി വിഭാഗത്തില് തോടന്നൂര് സബ്ജില്ല ഒന്നാം സ്ഥാനം നേടിയപ്പോള് വടകര, മേലടി സബ്ജില്ലകള് രണ്ടും മൂന്നും സ്ഥാനങ്ങള് കരസ്ഥമാക്കി. കാര്ത്തികപ്പള്ളി നമ്പര് വണ് യു.പി സ്കൂള് ബെസ്റ്റ് സ്കൂളായും തിരഞ്ഞെടുക്കപ്പെട്ടു.
എല്.പി വിഭാഗത്തില് വടകര സബ്ജില്ല ഒന്നാം സ്ഥാനവും തോടന്നൂര്, നാദാപുരം സബ്ജില്ലകള് യഥാക്രമം രണ്ടും മൂന്നും സ്ഥാനങ്ങള് നേടി. എറ്റവും നല്ല വിദ്യാലയമായി തൊണ്ടികുളങ്ങര എല്.പി സ്കൂളിനെയും തിരഞ്ഞെടുത്തു.
ഐ.ടി മേള ഹയര്സെക്കണ്ടറി വിഭാഗത്തില് ബാലുശേരി സബ്ജില്ല ജേതാക്കളായി. കോഴിക്കോട് റൂറല് ഉപജില്ല രണ്ടാം സ്ഥാനവും കുന്നുമ്മല് ഉപജില്ല മൂന്നാം സ്ഥാനവും കരസ്ഥമാക്കി. ബെസ്റ്റ് സ്കൂളായി ജി.എച്ച്.എസ്.എസ് കോക്കല്ലൂരിനെയും തിരഞ്ഞെടുത്തു.
ഹൈസ്കൂള് വിഭാഗത്തില് കൊയിലാണ്ടി സബ്ജില്ല ഒന്നാം സ്ഥാനവും കോഴിക്കോട് സിറ്റി സബ്ജില്ല രണ്ടാം സ്ഥാനവും, ചേവായൂര് സബ്ജില്ല മൂന്നാം സ്ഥാനവും കരസ്ഥമാക്കി. ബെസറ്റ് സ്കൂളായി വടകര സെന്റ് ആന്റണീസ് ജി.എച്ച്.എസ്.എസും തിരഞ്ഞെടുക്കപ്പെട്ടു.
യു.പി വിഭാഗത്തില് മുക്കം സബ്ജില്ല ഒന്നാം സ്ഥാനവും തോടന്നൂര് സബ്ജില്ല രണ്ടാം സ്ഥാനവും നേടി. മുക്കം ഉപജില്ലയിലെ സെന്റ് ജോസഫ് യു.പി.എസ് പുല്ലൂരാംപാറ ബെസ്റ്റ് സ്കൂളായും തിരഞ്ഞെടുത്തു.
അഞ്ച് നാള് നീണ്ടു നിന്ന കരവിരുതുകളുടെ വിസ്മയച്ചെപ്പിന് ഇന്ന് കൊടിയിറങ്ങും. ഉച്ചയ്ക്ക് 2.30ന് നടക്കുന്ന സമാപന സമ്മേളനം വടകര ബ്ലോക്ക് പഞ്ചായത്ത് പ്രസിഡണ്ട് കോട്ടയില് രാധാകൃഷ്ണന് ഉദ്ഘാടനം ചെയ്യും. വിദ്യാഭ്യാസ-സാമൂഹിക-സാംസ്കാരിക രംഗത്തെ പ്രമുഖര് ചടങ്ങില് സംബന്ധിക്കും.
