സ്വന്തം ലേഖകന്
പുനലൂര്: വിഷരഹിതപച്ചക്കറി എന്ന ലക്ഷ്യവുമായി ആര്പിഎല് കുളത്തുപ്പുഴ എസ്റ്റേറ്റില് പോളിഹൗസ് നിര്മ്മിച്ച് ജൈവകൃഷി ആരംഭിച്ചു. വര്ഷത്തില് രണ്ടുതവണ കൃഷിയിറക്കുന്ന ഇവിടെ ഇപ്പോള് പ്രധാനമായും മുളക്, പയര്, വഴുതന, തക്കാളി, എന്നിവയാണ് കൃഷി ചെയ്യുന്നത്.
പോളിഹൗസിനുള്ളില് അന്തരീക്ഷത്തിലെ താപനില ക്രമീകരിക്കാനും ജലസേചനത്തിനുള്ള സൗകര്യവുമുണ്ട്. പോളിഹൗസ് അഥവാ ഗ്രീന്ഹൗസുകളിലെ കൃഷി വര്ഷം മുഴുവന് ഉത്പാദനം നിലനിര്ത്തുന്നതിനോടൊപ്പം കീടരോഗ ബാധകള് തടയുവാനും സഹായിക്കുന്നതിനായി ആര്പിഎല് മാനേജര് ജയപ്രകാശ് ജന്മഭൂമിയോട് പറഞ്ഞു. ഒമ്പത് ലക്ഷം രൂപ ചിലവിട്ട് നിര്മ്മിച്ച പോളിഹൗസിന് സര്ക്കാര് സബ്സിഡികളും ലഭ്യമാണെന്ന് അദ്ദേഹം പറയുന്നു. കാലാവസ്ഥ വ്യതിയാനത്തെ നിയന്ത്രിച്ച് കൃഷി ലാഭകരമാക്കാന് പോളിഹൗസ് കൃഷി ആവശ്യമാണെന്നും ഇവിടെ തെളിയിക്കപ്പെടുന്നു. പോളി ഹൗസിനുള്ളില് ഫെര്ട്ടിഗേഷനും ചെയ്തിട്ടുള്ളതിനാല് ജോലിഭാരം കുറയുന്നു. അടുത്ത വിളയിനമായ കാപ്സിക്കം കൃഷി ആരംഭിക്കാന് ഒരുങ്ങുകയാണ് ഇവിടെ.
കര്ഷകര്ക്ക് കാര്ഷികമേഖലയുള്ള താല്പര്യക്കുറവ്, സാങ്കേതി വിദ്യയുടെ അഭാവം, തീരക്കുറഞ്ഞ ഉത്പാദനക്ഷമത, കീടനാശിനികളുടെ അമിതഉപയോഗം എന്നിവ പോളിഹൗസ് നിര്മ്മാണത്തിലൂടെ ഇല്ലാതാക്കാമെന്ന തിരിച്ചറിവാകാം ആര്പിഎല് ഈ സംരംഭത്തിന് തുടക്കമിടാന് കാരണം. കാര്ഷിക ഉത്പാദനം ഇവിടെ ആരംഭിക്കുകയും പച്ചക്കറികള് വിളവെടുക്കുകയും ചെയ്തുവെങ്കിലും വിപണി കണ്ടെത്താന് കഴിഞ്ഞിട്ടില്ല എന്നതാണ് പ്രധാനതടസം. ഇപ്പോള് ഇവിടെ ഉത്പാദിപ്പിക്കുന്ന കാര്ഷികവിളകള് ഇവിടെ തന്നെ നിശ്ചിതവിലക്ക് നല്കുന്നതിനാല് കാര്യമായ ലാഭം ഉണ്ടാകുന്നില്ലെന്നും, കൃഷി വ്യാപിപ്പിക്കുമ്പോള് വിപണി കണ്ടെത്താനുള്ള ഒരുക്കത്തിലാണ് ആര്പിഎല്. ഇവിടുത്തെ മിക്ക തൊഴിലാളികളും പരിചരണത്തിനായി എപ്പോഴും ഉള്ളതിനാല് പോളിഹൗസിനു പുറത്ത് ഇഞ്ചികൃഷിയും സമൃദ്ധമായി ഉണ്ട്. സര്ക്കാര് സ്ഥാപനമായ ആര്പിഎല് തുടങ്ങിയ കാര്ഷികവിപ്ലവം നാട്ടില് നടപ്പായാല് വിഷരഹിത പച്ചക്കറിയെന്ന ലക്ഷ്യവും സ്വയംപര്യാപ്തയും സാധ്യമാകും. എന്നാല് കടക്കെണിയിലായ കര്ഷകരെ പുത്തന്കൃഷി രീതിയിലേക്ക് ആനയിക്കാന് സര്ക്കാര് ഏജന്സികള് തയാറാകുമോ എന്നതാണ് കാര്ഷികകേരളം ഉറ്റുനോക്കുന്നത്.
