കോഴിക്കോട്: വേറിട്ട വരകളിലൂടെ ജീവിതം കോറിയിടുകയാണ് സിപിന് എയ്ഞ്ചല്. തന്റെ ചിത്രങ്ങളിലെ അപൂര്ണ്ണതകളെ , കാണാന് ഏവരെയും ക്ഷണിക്കുകയാണ് സിപിന്. കോഴിക്കോട് ലളിതകലാ അക്കാദമി ആര്ട്ട്ഗ്യാലറിയിലാണ് സിപിന്റെ ചിത്രങ്ങള് പ്രദര്ശിപ്പിച്ചിരിക്കുന്നത്.
” മീറ്റ് മൈ ഇംപെര്ഫെക്ഷന്സ് , ഓട്ടം സീസണ് ” എന്നാണ് പ്രദര്ശനത്തിന് പേര് നല്കിയിരിക്കുന്നത്.
പേന ഉപയോഗിച്ച് വരച്ച 32 ചിത്രങ്ങളാണ് പ്രദര്ശനത്തിലുള്ളത്. സെന്റ് ആംഗിള് എന്ന ചിത്രരചനാ രീതിയാണ് സിപിന് ഇതിനായി ഉപയോഗിച്ചിരിക്കുന്നത്. ജീവിതയാത്രക്കിടയില് പ്രണയം കടന്നുവരുമ്പോഴുണ്ടാകുന്ന മാറ്റങ്ങളാണ് സിപിന്റെ ചിത്രങ്ങള്ക്ക് വിഷയമായത്. ഒന്നിന്റെ തുടര്ച്ചയാണ് അടുത്ത ചിത്രം. ഒരു മാലയില് കോര്ത്ത മുത്തുകള്പോലെ ഒന്നില് നിന്ന് ഒന്നിലേക്ക്. പ്രണയത്തില് നിന്ന് പുറത്തേക്കു വരുന്ന മനുഷ്യന് പുനര്ജന്മം സംഭവിക്കുന്നതായും സിപിന് കോറിയിടുന്നു. സ്ത്രീയെയും പുരുഷനെയുമാണ് ചിത്രങ്ങളിലുടനീളം കാണാനാവുക. ചില ചിത്രങ്ങളില് ബുദ്ധനും കടന്നുവരുന്നു. ബുദ്ധനെ അറിയാനുള്ള ശ്രമങ്ങളാണ് ചിത്രങ്ങളില് ബുദ്ധന് കടന്നുവരുന്നതിന് കാരണമായതെന്ന് സിപിന് പറയുന്നു. കോഴിക്കോടിന്റെ മനോഹാരിത വരച്ചിട്ട ചിത്രമാണ് ആദ്യം കാഴ്ചക്കാരെ സ്വാഗതം ചെയ്യുന്നത്. മാനാഞ്ചിറ മൈതാനവും കോംട്രസ്റ്റ് ഫാക്ടറിയും കടപ്പുറവും ഓട്ടോറിക്ഷകളും കോഴിക്കോടന് ഹലുവയും ബാബുരാജും ഹാര്മോണിയവും, തബലയുമെല്ലാം ഈ ചിത്രത്തില് ഇടംപിടിച്ചിട്ടുണ്ട്.
ചിത്രംവര ശാസ്ത്രീയമായി പഠിച്ചിട്ടില്ലാത്ത സിപിന്റെ മൂന്നാമത്തെ പ്രദര്ശനമാണ് കോഴിക്കോട്ട് നടക്കുന്നത്. ഇതിന് മുമ്പ് തൃശൂരിലും എറണാകുളത്തും പ്രദര്ശനങ്ങള് നടത്തിയിട്ടുണ്ട്. കഴിഞ്ഞ മാര്ച്ച് മുതല് ജൂലൈ വരെയുള്ള മാസങ്ങളില് വരച്ച ചിത്രങ്ങളാണ് പ്രദര്ശനത്തിലുള്ളത്. ഇരിങ്ങാലക്കുട കരുവന്നൂര് വാളക്കടവില് വീട്ടില് റിട്ട. ബാങ്ക് ഉദ്യോഗസ്ഥനായ വി.ആര്. വത്സന്റെയും സുധയുടെയും മകനാണ് സിപിന്. ബാംഗ്ലൂരില് നിന്നും ഫാഷന്ഡിസൈനിംഗ് പഠനം പൂര്ത്തിയാക്കിയ സിപിന് സിനിമാരംഗത്തും അരങ്ങേറ്റം നടത്തിയിട്ടുണ്ട്. കോഹിന്നൂര് എന്ന ചിത്രത്തിന്റെ സഹസംവിധായകനായാണത്. ആര്ട്ട്ഗാലറിയില് നടക്കുന്ന പ്രദര്ശനം ഒന്നിന് സമാപിക്കും. അടുത്ത പ്രദര്ശനം ബാംഗ്ലൂരില് നടത്തും.
വേറിട്ട വരകളിലൂടെ ജീവിതം കോറിയിട്ട് സിപിന്
കോഴിക്കോട്: വേറിട്ട വരകളിലൂടെ ജീവിതം കോറിയിടുകയാണ് സിപിന് എയ്ഞ്ചല്. തന്റെ ചിത്രങ്ങളിലെ അപൂര്ണ്ണതകളെ , കാണാന് ഏവരെയും ക്ഷണിക്കുകയാണ് സിപിന്. കോഴിക്കോട് ലളിതകലാ അക്കാദമി ആര്ട്ട്ഗ്യാലറിയിലാണ് സിപിന്റെ ചിത്രങ്ങള് പ്രദര്ശിപ്പിച്ചിരിക്കുന്നത്.
” മീറ്റ് മൈ ഇംപെര്ഫെക്ഷന്സ് , ഓട്ടം സീസണ് ” എന്നാണ് പ്രദര്ശനത്തിന് പേര് നല്കിയിരിക്കുന്നത്.
പേന ഉപയോഗിച്ച് വരച്ച 32 ചിത്രങ്ങളാണ് പ്രദര്ശനത്തിലുള്ളത്. സെന്റ് ആംഗിള് എന്ന ചിത്രരചനാ രീതിയാണ് സിപിന് ഇതിനായി ഉപയോഗിച്ചിരിക്കുന്നത്. ജീവിതയാത്രക്കിടയില് പ്രണയം കടന്നുവരുമ്പോഴുണ്ടാകുന്ന മാറ്റങ്ങളാണ് സിപിന്റെ ചിത്രങ്ങള്ക്ക് വിഷയമായത്. ഒന്നിന്റെ തുടര്ച്ചയാണ് അടുത്ത ചിത്രം. ഒരു മാലയില് കോര്ത്ത മുത്തുകള്പോലെ ഒന്നില് നിന്ന് ഒന്നിലേക്ക്. പ്രണയത്തില് നിന്ന് പുറത്തേക്കു വരുന്ന മനുഷ്യന് പുനര്ജന്മം സംഭവിക്കുന്നതായും സിപിന് കോറിയിടുന്നു. സ്ത്രീയെയും പുരുഷനെയുമാണ് ചിത്രങ്ങളിലുടനീളം കാണാനാവുക. ചില ചിത്രങ്ങളില് ബുദ്ധനും കടന്നുവരുന്നു. ബുദ്ധനെ അറിയാനുള്ള ശ്രമങ്ങളാണ് ചിത്രങ്ങളില് ബുദ്ധന് കടന്നുവരുന്നതിന് കാരണമായതെന്ന് സിപിന് പറയുന്നു. കോഴിക്കോടിന്റെ മനോഹാരിത വരച്ചിട്ട ചിത്രമാണ് ആദ്യം കാഴ്ചക്കാരെ സ്വാഗതം ചെയ്യുന്നത്. മാനാഞ്ചിറ മൈതാനവും കോംട്രസ്റ്റ് ഫാക്ടറിയും കടപ്പുറവും ഓട്ടോറിക്ഷകളും കോഴിക്കോടന് ഹലുവയും ബാബുരാജും ഹാര്മോണിയവും, തബലയുമെല്ലാം ഈ ചിത്രത്തില് ഇടംപിടിച്ചിട്ടുണ്ട്.
ചിത്രംവര ശാസ്ത്രീയമായി പഠിച്ചിട്ടില്ലാത്ത സിപിന്റെ മൂന്നാമത്തെ പ്രദര്ശനമാണ് കോഴിക്കോട്ട് നടക്കുന്നത്. ഇതിന് മുമ്പ് തൃശൂരിലും എറണാകുളത്തും പ്രദര്ശനങ്ങള് നടത്തിയിട്ടുണ്ട്. കഴിഞ്ഞ മാര്ച്ച് മുതല് ജൂലൈ വരെയുള്ള മാസങ്ങളില് വരച്ച ചിത്രങ്ങളാണ് പ്രദര്ശനത്തിലുള്ളത്. ഇരിങ്ങാലക്കുട കരുവന്നൂര് വാളക്കടവില് വീട്ടില് റിട്ട. ബാങ്ക് ഉദ്യോഗസ്ഥനായ വി.ആര്. വത്സന്റെയും സുധയുടെയും മകനാണ് സിപിന്. ബാംഗ്ലൂരില് നിന്നും ഫാഷന്ഡിസൈനിംഗ് പഠനം പൂര്ത്തിയാക്കിയ സിപിന് സിനിമാരംഗത്തും അരങ്ങേറ്റം നടത്തിയിട്ടുണ്ട്. കോഹിന്നൂര് എന്ന ചിത്രത്തിന്റെ സഹസംവിധായകനായാണത്. ആര്ട്ട്ഗാലറിയില് നടക്കുന്ന പ്രദര്ശനം ഒന്നിന് സമാപിക്കും. അടുത്ത പ്രദര്ശനം ബാംഗ്ലൂരില് നടത്തും.
