കോഴിക്കോട്: ഈസ്റ്റ്ഹില് ജംഗ്ഷനില് റോഡപകടങ്ങള് കുറയ്ക്കാന് നടപടി സ്വീകരിക്കണമെന്നാവശ്യപ്പെട്ട് ബിജെപി എടക്കാട് ഏരിയാ കമ്മിറ്റി പ്രതിഷേധ സായാഹ്ന ധര്ണ നടത്തി. യുവമോര്ച്ച ജില്ലാ അദ്ധ്യക്ഷന് പ്രബീഷ് മാറാട് ഉദ്ഘാടനം ചെയ്തു. ഏരിയാ കമ്മിറ്റി പ്രസിഡന്റ് ഗോപാലകൃഷ്ണന് അദ്ധ്യക്ഷത വഹിച്ചു. യുവമോര്ച്ച ജില്ലാ ട്രഷറര് ടി. നിവേദ്, മഹിളാ ഐക്യവേദി ജില്ലാ പ്രസിഡന്റ് സത്യഭാമ, മഹിളാ ഐക്യവേദി ജില്ലാ സെക്രട്ടറി ശശികല ജയരാജ്, ഏരിയ ജനറല് സെക്രട്ടറി ബിജു കുറുപ്പ് എന്നിവര് സംസാരിച്ചു. എടക്കാട് ഏരിയാ സെക്രട്ടറിമാരായ അനൂപ്, സ്വരാജ് എന്നിവര് നേതൃത്വം നല്കി.
ബുധനാഴ്ച രാത്രി ഈസ്റ്റ്ഹില് ബൈപ്പാസ് ജംഗ്ഷനില് റീഗല് തിയേറ്ററിനു മുന്നിലുണ്ടായ അപകടത്തില് ബൈക്ക് യാത്രികന് ടാങ്കര് ലോറി കയറി മരിച്ചിരുന്നു. എലത്തൂര് ചെട്ടിക്കുളം വട്ടക്കണ്ടി മണ്ടാട്ടില് സഹദേവനാണ് അപകടത്തില് മരിച്ചത്. സഹദേവന്റെ ദേഹത്തൂകൂടി ലോറിയുടെ ടയര് കയറിയിറങ്ങി സംഭവസ്ഥലത്തുവെച്ചു തന്നെ മരണം സംഭവിക്കുകയായിരുന്നു.
