വിയറ്റ്‌നാമിലെ മൃഗസ്നേഹിയായ ഒരു ചെറുപ്പക്കാരന് അന്നാട്ടിലെ ജനങ്ങൾ ഒരു നാമകരണം ചെയ്തു. “ദ ക്യാറ്റ് ലോർഡ്” എന്നാണ് ആ യുവാവിന് ഹനോയ് നഗരത്തിലെ ജനങ്ങൾ നൽകിയ പേര്, അതായത് ‘പൂച്ചകളുടെ തമ്പുരാൻ’ എന്ന്.
രസകരമായ ഈ പേര് വീഴാനും ഒരു കാരണമുണ്ട്. ഹനോയ് നഗരത്തിൽ ഒന്ന് റോന്ത് ചുറ്റാൻ ഇറങ്ങിയതാണ് കൂട്ടുകാരനായ് നഗുയെൻ ദു ഫൂങ്. കാഴ്ചകൾ കണ്ട് രസിക്കുന്നതിനിടയിൽ ഫൂങിന്റെ ക്യാമറയിൽ അപ്രതീക്ഷിതമായി ഒരു ദൃശ്യം പതിഞ്ഞു. വേറെ ഒന്നുമല്ല ബൈക്ക് ഓടിക്കുന്ന യുവാവിനൊപ്പം നാല് പൂച്ചകൾ.
ഒന്നാമൻ ബൈക്കിന്റെ ഹാൻഡിൽ ബാറിൽ കാഴ്ചകൾ കണ്ട് മുന്നോട്ട് നോക്കി ഇരിക്കുമ്പോൾ മറ്റ് മൂന്ന് പേർ ബൈക്കിന്റെ പുറകിലത്തെ സീറ്റിൽ കിടന്നും ഇരുന്നും സുഖകരമായി യാത്ര ചെയ്യുന്നു. എല്ലാവരുടെയും മുഖത്ത് ഒരേ ഭാവഭേദങ്ങൾ.
അവർ സത്യത്തിൽ ആ ബൈക്ക് യാത്ര ആസ്വദിക്കുകയാണെന്ന് തന്നെ തോന്നുന്നു. പിന്നെ ഫൂങ് ദൃശ്യങ്ങൾ പകർത്തിയ ശേഷം മനസിൽ പറഞ്ഞു, ഈ യുവാവാണ് ‘ ദ ക്യാറ്റ് ലോർഡ്’.
https://www.youtube.com/watch?v=CiqLMOIdCk8
പ്രതികരിക്കാൻ ഇവിടെ എഴുതുക: