കളമശേരി: നഗരസഭ പതിനൊന്നാം വാര്ഡിലെ എം.എസ്. ജംഗ്ഷനില് മരോട്ടിക്കല് ബില്ഡിങ്ങില് റിലയന്സ് കമ്പനി സ്ഥാപിച്ച 4 ജി മൊബൈല് ടവര് നീക്കം ചെയ്യണമെന്നാവശ്യം. ടവര് പ്രദേശത്തെ ജനങ്ങളുടെ ആരോഗ്യത്തിനു ദോഷകരമാണെന്നാരോപിച്ച് രൂപീകരിച്ച കര്മ്മ സമിതിയാണ് ഇതിനെതിരെ സമരരംഗത്ത് വന്നത്. ടവര് നീക്കം ചെയ്തില്ലെങ്കില് ജനങ്ങള് പ്രക്ഷോഭം നടത്താനൊരുങ്ങുകയാണ്. നിരവധി ജനങ്ങള് താമസിക്കുന്ന സ്ഥലമാണിത്. ജനങ്ങളുടെ പരാതിയെ തുടര്ന്ന് നഗരസഭ റിലയന്സ് കമ്പനിയോട് ടവര് നീക്കം ചെയ്യാന് നിര്ദ്ദേശിച്ചിരുന്നു. നഗരസഭയുടെ നടപടിക്കെതിരെ റിലയന്സ് കമ്പനി ട്രൈബ്യൂണലില് അപ്പീല് നല്കുകയും താല്കാലിക സ്റ്റേ വാങ്ങുകയും ചെയ്തിരിക്കുകയുമാണ്. ടവര് പൊളിച്ചുനീക്കാന് ഇതുവരെ നടപടി തുടങ്ങിയിട്ടില്ല. ഫോര് ജി ടവര് പൊളിച്ചുനീക്കം ചെയ്യുന്നതുവരെ ജനങ്ങളെ അണിനിരത്തി പ്രക്ഷോഭം തുടങ്ങുമെന്ന് ആക്ഷന് കൗണ്സില് അറിയിച്ചു.
ഫോര് ജി ടവര് നീക്കം ചെയ്യണമെന്ന് നാട്ടുകാര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.