പാനൂര്: 25,26 തീയ്യതികളില് പാനൂര് പി.ആര്.എം ഹയര്സെക്കണ്ടറി സ്ക്കൂളില് നടക്കുന്ന ഉപജില്ല ശാസ്ത്ര, ഗണിതശാസ്ത്ര, സാമൂഹ്യശാസ്ത്ര, പ്രവര്ത്തി പരിചയ, ഐടി മേളയുടെ ഒരുക്കങ്ങള് പൂര്ത്തിയായതായി സംഘാടകര് പത്രസമ്മേളനത്തില് അറിയിച്ചു. നാളെ രാവിലെ 9ന് തലശേരി ഡിവൈഎസ്പി പ്രിന്സ് എബ്രഹാം മേള ഉദ്ഘാടനം ചെയ്യും. നഗരസഭാ കൗണ്സിലര് കെ.സൈനബ അദ്ധ്യക്ഷത വഹിക്കും. 26ന് നടക്കുന്ന സമാപന സമ്മേളനം നഗരസഭ വൈസ് ചെയര്മാന് എം.കെ.പത്മനാഭന് മാസ്റ്റര് ഉദ്ഘാടനം ചെയ്യും. എഇഒ സുനില്കുമാര് സമ്മാനദാനം നിര്വ്വഹിക്കും. പരിപാടികള് വിശദീകരിച്ചു നടന്ന പത്രസമ്മേളനത്തില് ടി.വി.സുജാതന്, സുനില്കുമാര്, പിശ്രീനിവാസന്, സി.സി.മധുസൂദനന്, വി.ലത്തീഫ്, അബ്ദുളള പൂതങ്കോട്, കെ.പി.സായന്ത്, കെ.വി.വിവേക് എന്നിവര് പങ്കെടുത്തു.
ശാസ്ത്ര മേളയില് ചെമ്പേരി നിര്മ്മല ഹൈസ്കൂളിന് ഉജ്വല വിജയം
ചെമ്പേരി: ഇരിക്കൂറില് നടന്ന ശാസ്ത്ര, ഗണിത ശാസ്ത്ര, പ്രവര്ത്തിപരിചയമേളയില് ഹൈസ്കൂള് വിഭാഗം ഗണിത ശാസ്ത്ര വിഭാഗത്തില് ചെമ്പേരി നിര്മ്മല ഹൈ സ്കൂള് ഓവറോള് ചാമ്പ്യന്ഷിപ്പ് നേടി. അതോടൊപ്പം ഹൈ സ്കൂള് വിഭാഗം സോഷ്യല് സയന്സ് മേളയില് രണ്ടാം സ്ഥാനവും പ്രവര്ത്തി പരിചയ മേളയില് മൂന്നാം സ്ഥാനവും നേടി. ഉജ്വലവിജയം കരസ്ഥമാക്കിയ വിജയികളെ സ്കൂളില് നടന്ന ചടങ്ങില് അനുമോദിച്ചു. ഹെഡ് മിസ്ട്രസ് വത്സമ്മ ജോസ് അധ്യക്ഷയായിരുന്നു.
