കൊല്ലം: കുരീപ്പുഴ റിസോര്ട്ടും പരിസരപ്രദേശവും നീരാവില് കടവൂര് ഭാഗങ്ങളും കേന്ദ്രീകരിച്ച് വിദ്യാര്ത്ഥികള്ക്കും അന്യസംസ്ഥാന തൊഴിലാളികള്ക്കും കഞ്ചാവ് വില്പ്പന നടത്തിവന്ന കുരീപ്പുഴ പാണാമുക്കം കടവ് സ്വദേശി പ്രേംരാജിനെ 200 പൊതി കഞ്ചാവുമായി എക്സൈസ് സംഘം അറസ്റ്റ് ചെയ്തു. ദിവസങ്ങളായി എക്സൈസ് ഷാഡോ സംഘത്തിന്റെ നിരീക്ഷണത്തിലായിരുന്നു പ്രേംരാജ്. നഗരത്തിലെ സ്കൂള്-കോളേജ് വിദ്യാര്ത്ഥികളാണ് സ്ഥിരം ഇടപാടുകാരെന്ന് കണ്ടെത്തി. 200 രൂപയുടെയും 100 രൂപയുടെയും പൊതികളാക്കിയാണ് പ്രതിയുടെ വില്പ്പന. റെയ്ഡില് എക്സൈസ് റേഞ്ച് ഇന്സ്പെക്ടര് എ.അനില്കുമാറിനൊപ്പം അസി. എക്സൈസ് ഇന്സ്പെക്ടറായ സുരേന്ദ്രന്പിള്ള, സിവില് എക്സൈസ് ഓഫീസര്മാരായ പി.ശ്രീകുമാര്, സുനില്കുമാര്, ജി.ശ്രീകുമാര്, മിനേഷ്യസ്, അഖില്, ബിനോജ് എിവര് പങ്കെടുത്തു.
കഞ്ചാവ് കേസുകളിലെ പ്രതി അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.