ഡെയ്മ്‌ലര്‍ ഇന്ത്യ കമേഴ്‌സ്യല്‍ വെഹിക്കിള്‍സ് വൈസ് പ്രസിഡന്റ് (മാര്‍ക്കറ്റിങ്) സംഗീത അയ്യര്‍, സാംഗ്രാം സിങ്, മന്ദിരാബേദി, വരുണ്‍ ശര്‍മ, ഡെയ്മ്‌ലര്‍ ഇന്ത്യ വൈസ് പ്രസിഡന്റ് (സെയില്‍സ്) സോമീന്ദര്‍ സിങ് എന്നിവര്‍ സഹസികയാത്രയ്‌ക്ക് മുന്‍പായി
കൊച്ചി: ലഡാക്കടക്കമുള്ള ഹിമാലയന്‍ പര്‍വത നിര റോഡുകളിലൂടെ ഭാരത് ബെന്‍സ് 1214 ട്രക്കുകള്‍ സാഹസികമായി ഓടിക്കുന്ന ഐസ് റോഡ് ട്രക്കേഴ്‌സിന്റെ ഇന്ത്യന്‍ പതിപ്പ് ഡെയ്മ്‌ലര്‍ ഇന്ത്യ ഒക്‌ടോബര്‍ 21ന് ആരംഭിക്കും. നടി മന്ദിരാബേദി, ഗുസ്തി താരം സാംഗ്രാം സിങ്, നടന്‍ വരുണ്‍ ശര്‍മ എന്നിവര്‍ സമുദ്രനിരപ്പില്‍ നിന്ന് 18,000 അടി ഉയരത്തിലുള്ള റോഡുകളിലൂടെ ട്രക്കോടിക്കും.
ഉള്‍ഗ്രാമങ്ങളില്‍ വസിക്കുന്നവര്‍ക്കായുള്ള അവശ്യവസ്തുക്കളാണ് ഈ ട്രക്കുകളിലുണ്ടാവുക. ദുര്‍ഘടമേറിയ റോഡുകളില്‍ ട്രക്കോടിക്കുന്നതിനുള്ള പരിശീലനം ചെന്നൈയിലും മണാലിയിലുമായി ഇവര്‍ക്ക് നല്‍കി. മഞ്ഞുമലകളടക്കം ദുര്‍ഘടമേറിയ റോഡുകള്‍ക്ക് പാകത്തിലുള്ള ഭാരത് ബെന്‍സ് എംഡി ഇന്‍ പവര്‍ 1214 ട്രക്കുകള്‍ വിപണിയിലെത്തി.
ഇതോടൊപ്പം മറ്റ് മീഡിയം ഡ്യൂട്ടി ട്രക്കുകളും ഡെയ്മ്‌ലര്‍ ഇന്ത്യ കമേഴ്‌സ്യല്‍ വെഹിക്കിള്‍സ് അവതരിപ്പിച്ചു. ഈ ട്രക്കുകള്‍ നഗര പ്രദേശങ്ങളിലെ റോഡുകളിലും ഓടിക്കാവുന്ന വിധം മള്‍ടി ഡ്രൈവ് മോഡോടു കൂടിയവയാണ്.
പ്രതികരിക്കാൻ ഇവിടെ എഴുതുക: