കോട്ടയം: സിപിഎമ്മിനുള്ളിലെ രൂക്ഷമായ ആഭ്യന്തര കലാപം മൂടിവയ്ക്കാനും ജനശ്രദ്ധ തിരിച്ചുവിടാനുമുള്ള ആസൂത്രിത കൊലപാതകമാണ് പിണറായിയില് രമിത്തിനെ വധിച്ചതിലൂടെ സിപിഎം നടത്തിയിരിക്കുന്നതെന്ന് ആര്എസ്എസ് പ്രാന്ത കാര്യകാരി അംഗം അഡ്വ. എന്. ശങ്കര്റാം പറഞ്ഞു. ബിജെപി ആഹ്വാനം ചെയ്ത ഹര്ത്താലിനോടനുബന്ധിച്ച് കോട്ടയത്തു നടത്തിയ പ്രതിഷേധ യോഗം ഉത്ഘാടനം ചെയ്യുകയായിരുന്നു അദ്ദേഹം.
ഇ.പി. ജയരാജന്റെ സ്വജനപക്ഷപാതവും അഴിമതിയും നിറഞ്ഞ ഭരണം അങ്ങാടിപ്പാട്ടായപ്പോള് ആദര്ശത്തിന്റെ മുഖംമൂടി അഴിഞ്ഞുവീണ പിണറായിക്കും കൂട്ടുകാര്ക്കും ജനശ്രദ്ധ തിരിച്ചു വിടേണ്ടിവന്നു. ഇതാണ് ആര്എസ്എസ് പ്രവര്ത്തകന്റെ ജീവനെടുക്കുവാന് പാര്ട്ടിയെ പ്രേരിപ്പിച്ചതെന്നും അദ്ദേഹം പരഞ്ഞു. ബിജെപി ജില്ലാപ്രസിഡന്റ് എന്. ഹരി അദ്ധ്യക്ഷത വഹിച്ചു. എസ്. ശശിധരന്, ഹരികുമാര്, എം..എസ്. മനു തുടങ്ങിയവര് പ്രസംഗിച്ചു. ബിജെപി ജില്ലാ ജനറല് സെക്രട്ടറി കെ.പി. സുരേഷ് മദ്ധ്യമേഖലാ പ്രസിഡന്റ് അഡ്വ. കെ.എന്. നാരായണന് നമ്പൂതിരി, സംസ്ഥാന സമിതിയംഗം ടി.എന്. ഹരികുമാര്, ജില്ലാ സെക്രട്ടരിമാരായ സി.എന്. സുഭാഷ്, കെ.പി. ഭുവനേശ്, നിയോജകമണ്ഡലം പ്രസിഡന്റ് ബിനു ആര്. വാര്യര്, സെക്രട്ടരിമാരായ വി.പി. മുകേഷ്, രണരാജന്, ജില്ലാ മണ്ഡലം ഭാരവാഹികള് തുടങ്ങിയവര് നേതൃത്വം നല്കി.
