ഗയാന: ഐ.എസ്.ആര്.ഒയുടെ വാര്ത്താവിനിമയ ഉപഗ്രഹം ജിസാറ്റ് 18ന്റെ വിക്ഷേപണം വിജയകരമായി. ഭാരത സമയം വ്യാഴാഴ്ച പുലര്ച്ചെ 2.15നും 3.15നും ഇടയില് ഫ്രഞ്ച് ഗയാനയിലെ കൗറോവില് നിന്നു യൂറോപ്യന് ഉപഗ്രഹവിക്ഷേപണ വാഹിനിയായ ഏരിയാന്-5 റോക്കറ്റ് ഉപയോഗിച്ചാണ് ഉപഗ്രഹത്തെ ഭ്രമണപഥത്തിലെത്തിച്ചത്.
ഓസ്ട്രേലിയന് നാഷണല് ബ്രോഡ്ബാന്റ് നെറ്റ് വര്ക്കിന്റെ ഉപഗ്രഹവും ജിസാറ്റ് 18നൊപ്പം വിക്ഷേപിച്ചു. പ്രതികൂല കാലാവസ്ഥയെ തുടര്ന്ന് ബുധനാഴ്ച നടത്താനിരുന്ന വിക്ഷേപണം ഇന്നത്തേക്ക് മാറ്റുകയായിരുന്നു. ഭൂമിയിലേക്ക് കൂടുതല് വിസ്തൃതിയില് തരംഗങ്ങള് അയക്കാന് ശേഷിയുള്ളതാണ് 48 ട്രാന്സ്പോണ്ടറുകളുള്ള ജിസാറ്റ്-18. ബാങ്കിങ്, ടെലിവിഷന്, ടെലികമ്യൂണിക്കേഷന്, ബ്രോഡ്ബാന്ഡ് തുടങ്ങിയ മേഖലകളുടെ പ്രവര്ത്തനശേഷി വര്ധിപ്പിക്കാന് ഉപഗ്രഹത്തിന് സാധിക്കും.
ഭാരതത്തിന്റെ വിക്ഷേപണ വാഹനമായ പി.എസ്.എല്.വിക്ക് വഹിക്കാവുന്നതിലും ഭാരമേറിയ ഉപഗ്രഹമായതിനാലാണ് വിദേശ റോക്കറ്റ് ഐ.എസ്.ആര്.ഒ ഉപയോഗിച്ചത്. 3404 കിലോഗ്രാമാണ് ജിസാറ്റ്-18ന്റെ ഭാരം.
