അടിമാലി: ഹര്ത്താലിനോടനുബന്ധിച്ച് വാഹന ഗതാഗതം തടസപ്പെടുത്തിയ സംഭവത്തില് 12 പേരെ അടിമാലി പോലീസ് അറസ്റ്റ് ചെയ്തു. ഹര്ത്താലിനോടനുബന്ധിച്ച് അടിമാലി ടൗണിലെത്തിയ ഇവര് വാഹനം തടയുകയും കടകള് അടപ്പിക്കുകയും ചെയ്തിരുന്നു. വിവരമറിയാതെ എത്തിയ നാട്ടുകാര് യാത്ര തുടരാനാകാതെ വലഞ്ഞു.
ഹര്ത്താല് നടത്തിയവര് നാട്ടുകാരല്ലെന്ന് മനസിലാക്കിയ പ്രദേശവാസികള് ഇതിനെ ചോദ്യം ചെയ്യുകയും വാഹനങ്ങള് കടത്തിവിടാന് ആവശ്യപ്പെടുകയും ചെയ്തു. എന്നാല് ഹര്ത്താല് അനുകൂലികള് പ്രകോപനപരമായി പെരുമാറുകയും വാഹനങ്ങള് തടയുകയും ചെയ്തത് സംഘര്ഷത്തിലേക്ക് നീങ്ങുമെന്ന് മനസിലാക്കിയ പോലീസ് ഇവരെ അറസ്റ്റ് ചെയ്ത് നീക്കുകയും ചെയ്തു. പതിവുപോലെ അടിമാലിയിലെ വ്യാപാരികള് കടകള് തുറക്കാന് എത്തിയെങ്കിലും സമരാനുകൂലികള് കടകള് അടപ്പിച്ചിരുന്നു. സ്വകാര്യബസുകള് നിരത്തില് ഇറക്കിയില്ലെങ്കിലും കെഎസ്ആര്ടിസി പതിവുപോലെ ഓടിയത് സമരം ഭാഗീകമായി മാറാന് കാരണമായി. മറ്റ് വാഹനങ്ങള് പതിവുപോലെ ഓടുകയും ചെയ്തു. അടിമാലി ടൗണില് കടകള് ഭാഗീകമായി മാത്രം തുറന്നപ്പോള് മറ്റിടങ്ങളിലെല്ലാം കടകള് തുറന്നത് അടിമാലി മേഖലയില് ഹര്ത്താല് പരാജയപ്പെടാന് കാരണമായി മാറി.
