ക്രൈസ്റ്റ്ചര്ച്ച്: ഇന്ത്യക്കെതിരായ ഏകദിന പരമ്പരക്കുള്ള ന്യൂസിലാന്ഡ് ടീമിനെ പ്രഖ്യാപിച്ചു. ഓള് റൗണ്ടര് കോറി ആന്ഡേഴ്സണെ ടീമിലേക്ക് തിരിച്ചുവിളിച്ചു. സ്പെഷ്യലിസ്റ്റ് ബാറ്റ്സ്മാനായിട്ടാണ് ആന്ഡേഴ്സണെ ടീമിലെടുത്തിരിക്കുന്നത്. പരിക്കിന്റെ പിടിയിലുള്ള ടിം സൗത്തിയെയും ടീമില് ഉള്പ്പെടുത്തിയിട്ടുണ്ട്. കെയ്ന് വില്യംസണാണ് നായകന്.
15 അംഗ ടീമില് ബാറ്റ്സ്മാന് ആന്റണ് ഡെവിച്ച് ഓള് റൗണ്ടര് ജയിംസ് നീഷം, വിക്കറ്റ് കീപ്പര് ബാറ്റ്സ്മാന് ബി.ജെ. വാട്ലിംഗ് എന്നിവരും ടീമില് ഇടം നേടി. എന്നാല് ടെസ്റ്റ് ടീമില് ഉള്പ്പെട്ട ഹെന്റി നിക്കോളാസിന് ഏകദിന ടീമില് ഇടമില്ല. ചീഫ് സെലക്ടര് ഗവിന് ലാര്സണാണ് ടീമിനെ പ്രഖ്യാപിച്ചത്.
ടീം: കെയ്ന് വില്യംസണ് (ക്യാപ്റ്റന്), കോറി ആന്ഡേഴ്സണ്, ട്രെന്റ് ബോള്ട്ട്, ഡഗ് ബ്രയ്സ്വെല്, ആന്റണ് ഡെവിച്ച്, മാര്ട്ടിന് ഗുപ്റ്റില്, മാറ്റ് ഹെന്റി, ടോം ലാതം, ജയിംസ് നീഷം, ലൂക്ക് റോഞ്ചി, മിച്ചല് സാറ്റ്നര്, ഇഷ് സോധി, ടിം സൗത്തി, റോസ് ടെയ്ലര്, ബി.ജെ. വാട്ലിംഗ്.
ഒക്ടോബര് ആറിന് ധര്മ്മശാലയിലാണ് പരമ്പരയിലെ ആദ്യ പോരാട്ടം.
