ലെസ്റ്ററിന് തോല്‍വി

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ നിലവിലെ ചാമ്പ്യന്മാരായ ലെസ്റ്റര്‍ സിറ്റിക്ക് തോല്‍വി. ശനിയാഴ്ച രാത്രി നടന്ന മത്സരത്തില്‍ ലിവര്‍പൂളിനോടാണ് ഒന്നിനെതിരെ നാല് ഗോളുകള്‍ക്ക് തോല്‍വി വഴങ്ങിയത്.

റോബര്‍ട്ടോ ഫിര്‍മിനോ ലിവര്‍പൂളിനായി രണ്ട് ഗോള്‍ നേടി. 13, 89 മിനിറ്റുകളിലായിരുന്നു ഫിര്‍മിനോയുടെ ഗോളുകള്‍. 31-ാം മിനിറ്റില്‍ സാഡിയോ മാനെ, 56-ാം മിനിറ്റില്‍ ആഡം ലല്ലാന എന്നിവരും ലിവര്‍പൂളിനായി ലക്ഷ്യം കണ്ടു. ലെസ്റ്റിന്റെ ആശ്വാസം 38-ാം മിനിറ്റില്‍ ജാമി വാര്‍ഡി. നാല് കളികളില്‍ നിന്ന് 7 പോയിന്റുമായി ലിവര്‍പൂള്‍ അഞ്ചാം സ്ഥാനത്തേക്ക് ഉയര്‍ന്നപ്പോള്‍ നാല് പോയിന്റുള്ള ലെസ്റ്റര്‍ 15-ാം സ്ഥാനത്ത്.

മറ്റ് മത്സരങ്ങളില്‍ ആഴ്‌സണല്‍ ഒന്നിനെതിരെ രണ്ട് ഗോളുകള്‍ക്ക് സതാംപ്ടെണയും ടോട്ടനം മറുപടിയില്ലാത്ത നാല് ഗോളുകള്‍ക്ക് സ്‌റ്റോക്ക് സിറ്റിയെയും തകര്‍ത്തു. ബണ്‍േലി 1-1ന് ഹള്‍ സിറ്റിയെ സമനിലയില്‍ തളച്ചപ്പോള്‍ ക്രിസ്റ്റല്‍ പാലസ് 2-1ന് മിഡില്‍സ്‌ബ്രോയെയും വാറ്റ്‌ഫോര്‍ഡ് രണ്ടിനെതിരെ നാല് ഗോളുകള്‍ക്ക് വെസ്റ്റ്ഹാമിനെയും ബേണ്‍സ്മൗത്ത് 1-0ന് വെസ്റ്റ് ബ്രോമിനെയും പരാജയപ്പെടുത്തി.