മലപ്പുറം: തിരുവോണനാളില്‍ ആള്‍ കേരള ഡോക്യുമെന്ററി റൈറ്റേഴ്‌സ് ആന്റ് സ്‌ക്രൈബ്‌സ് അസോസിയേഷന്‍ ജില്ലാ കമ്മിറ്റിയുടെ നേതൃത്വത്തില്‍ തിരുവോണ നാളില്‍ ആധാരമെഴുത്തുകാര്‍ നിരാഹാരസമരം നടത്തും. 14ന് പാസ്‌പോര്‍ട്ട് ഓഫിസിന് മുന്നില്‍ നിന്ന് പ്രകടനമായെത്തി കെഎസ്ആര്‍ടിസി പരിസരത്താണ് നിരാഹാര സമരം. രാവിലെ 10ന് അഡ്വ. എം ഉമ്മര്‍ എം എല്‍ എ ഉദ്ഘാടനം ചെയ്യും. ട്രേഡ് യൂണിയന്‍ നേതാക്കളും പങ്കെടുക്കും. സംസ്ഥാന വ്യാപകമായി നടത്തുന്ന സമര ഭാഗമായാണിത്. ആധാരമെഴുത്തുകാര്‍ക്ക് തിരിച്ചടിയാവുന്ന ആര്‍ക്കും ആധാരമെഴുതാമെന്ന ഉത്തരവ് റദ്ദാക്കുക, ക്ഷേമനിധി ആനുകൂല്യങ്ങള്‍ വര്‍ധിപ്പിച്ച് കൃത്യമായി വിതരണം ചെയ്യുക, പെന്‍ഷന്‍ അനുവദിക്കുക, ഭൂമിയുടെ താരിഫ് വിലയിലെ അപാകത പരിഹരിക്കുക, ആധാരം എഴുത്തുകാര്‍ക്കെതിരെയുള്ള ശിക്ഷാ നടപടികള്‍ അവസാനിപ്പിക്കുക, രജിസ്‌ട്രേഷന്‍ ഡിപ്പാര്‍ട്ട്‌മെന്റിലെ അഴിമതി അവസാനിപ്പിക്കുക ആവശ്യമുന്നയിച്ചാണ് സമരം. വാര്‍ത്താസമ്മേളനത്തില്‍ ജില്ലാ പ്രസിഡന്റ് പെരുമ്പള്ളി മുഹമ്മദ് ഹംസ ഹാജി, ജില്ലാ സെക്രട്ടറി സി പി അശോകന്‍ എന്നിവര്‍ പങ്കെടുത്തു.
Tuesday, November 26, 2024
തിരുവോണനാളില്‍ ആധാരമെഴുത്തുകാരുടെ നിരാഹാര സമരം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: