ആലപ്പുഴ: കേരള ബ്രാഹ്മണസഭ സംസ്ഥാനതല കായികമേള ‘വിപ്രവിസ്മയം 2016’ 10, 11 തീയതികളില് ആലപ്പുഴ എസ്ഡിവി മൈതാനത്ത് നടക്കും. ജില്ലാതല മത്സരങ്ങളില് വിജയിച്ച അറുന്നൂറോളം പേര് പങ്കെടുക്കും.
ക്രിക്കറ്റ്, ഷട്ടില്, ബാഡ്മിന്റണ്, കാരംസ്, ചെസ്, ടെന്നികോയിറ്റ്, പരമ്പരാഗത കളികളായ പല്ലാങ്കുഴി, പാണ്ടികളി എന്നിവ ഉണ്ടാകും. 10ന് രാവിലെ 8.30ന് മന്ത്രി തോമസ് ഐസക് ഉദ്ഘാടനം ചെയ്യും. ബ്രാഹ്മണസഭ സംസ്ഥാന പ്രസിഡന്റ് കരിമ്പുഴ രാമന് അദ്ധ്യക്ഷത വഹിക്കും. 11ന് വൈകിട്ട് നാലിന് സമാപന സമ്മേളനത്തില് കെ.സി. വേണുഗോപാല് എംപി സമ്മാനദാനം നിര്വ്വഹിക്കും.
കായികരംഗത്ത് നേട്ടങ്ങള് കൈവരിച്ച സമുദായാംഗങ്ങളെ ആദരിക്കുമെന്ന് സംഘാടക സമിതി ഭാരവാഹികളായ പി. വെങ്കിട്ടരാമയ്യര്, വി. വെങ്കിട്ട നാരായണന്, മണി എസ്. തിരുവല്ല, പാര്വ്വതി സുബ്രഹ്മണ്യം, ജെ. വെങ്കിടാചലം എന്നിവര് വാര്ത്താസമ്മേളനത്തില് അറിയിച്ചു.
