നിലമ്പൂര്‍: വിദ്യാര്‍ത്ഥികളെ കേന്ദ്രീകരിച്ച് കഞ്ചാവ് വില്‍പ്പന നടത്തുന്ന രണ്ടുപേരെ എക്‌സൈസ് സംഘം അറസ്റ്റ് ചെയ്തു. അമരമ്പലം കൂറ്റമ്പാറ സ്വദേശികളായ പാറേങ്ങല്‍ ഫൗസല്‍ അലി(26), കുറ്റിപുറവന്‍ സുഹൈല്‍(21) എന്നിവരെയാണ് നിലമ്പൂര്‍ എക്‌സൈസ് സി ഐ സെബാസ്റ്റ്യന്റെ നേതൃത്വത്തിലുള്ള സംഘം അറസ്റ്റ് ചെയ്തു. ഓണം സ്‌പെഷല്‍ ഡ്രൈവിനോടനുബന്ധിച്ച് നടത്തിയ പരിശോധനക്കിടെയാണ് പ്രതികളെ പിടികൂടിയത്. ഫൗസല്‍ അലിയില്‍ നിന്നും 60 ഗ്രാം കഞ്ചാവും, സുഹൈലില്‍ നിന്നും 50 ഗ്രാം കഞ്ചാവും പിടിച്ചെടുത്തു. തമിഴ്‌നാട്‌പൊലീസുമായി സഹകരിച്ച് അതിര്‍ത്തിയില്‍ എക്‌സൈസ് സംഘം വാഹനങ്ങളടക്കം പരിശോധന നടത്തി. വരും ദിവസങ്ങളിലും പരിശോധന തുടരും. അതിര്‍ത്തി കേന്ദ്രീകരിച്ച് കഞ്ചാവ്-മയക്കുമരുന്ന് സംഘങ്ങള്‍ ശക്തിപ്പെടുന്നതായി അന്വേഷണത്തില്‍ തെളിഞ്ഞിട്ടുണ്ട്. അറസ്റ്റിലായ പ്രതികളെ നിലമ്പൂര്‍ കോടതിയില്‍ ഹാജരാക്കി.
Tuesday, November 26, 2024
വിദ്യാര്‍ത്ഥികളെ കേന്ദ്രീകരിച്ച് കഞ്ചാവ് വില്‍പ്പന; രണ്ടുപേര്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: