പൊന്നാനി: കാഞ്ഞിരമുക്ക് ശ്രീഅയ്യപ്പ ക്ഷേത്രത്തിലെ ഗണേശോത്സവ സമിതിയുടെ ആഭിമുഖ്യത്തില്‍ ഗണേശോത്സവ സപ്താഹയജ്ഞത്തിനും ഗണേശോത്സവത്തിനും തുടക്കമായി. സമിതിയുടെ നേതൃത്വത്തില്‍ രോഗികള്‍ക്കുള്ള സഹായധനത്തിന്റെ വിതരണോദ്ഘാടനം ചലച്ചിത്ര സംവിധായകന്‍ രാജസേനന്‍ ഉദ്ഘാടനം ചെയ്തു. ചടങ്ങില്‍ എസ്എസ്എല്‍സി പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികളെയും സിനിമാരംഗത്തേക്ക് അരങ്ങേറ്റം കുറിച്ച രണ്ടു കൊച്ചു കലകാരന്‍മാരെയും അനുമോദിച്ചു. 11ന് ആഘോഷപരിപാടികള്‍ സമാപിക്കും. അന്ന് വൈകീട്ട് ചിറക്കല്‍ വാളാര്‍കുണ്ട് ക്ഷേത്രസന്നിദ്ധിയില്‍ ഹിന്ദു ഐക്യവേദി സംസ്ഥാന അദ്ധ്യക്ഷ ശശികല ടീച്ചര്‍ പ്രഭാഷണം നടത്തും. തുടര്‍ന്ന് ഗണേശ വിഗ്രഹം നിമജ്‌നം ചെയ്യും.
Tuesday, November 26, 2024
ഗണേശോത്സവത്തിന് തുടക്കമായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: