അലപ്പോ: സിറിയയിലെ അലപ്പോയില് വിമതര്ക്കു നേരെ സര്ക്കാര്സേന രാസായുധം പ്രയോഗിച്ചെന്ന് റിപ്പോര്ട്ട്.ആലപ്പോയിലെ വിമതരുടെ ശക്തികേന്ദ്രത്തിനു മുകളിലൂടെ പറന്ന ഹെലികോപ്റ്ററുകള് ക്ലോറിന് വാതകം നിറച്ച ബാരല് ബോംബുകള് വര്ഷിക്കുകയായിരുന്നുവെന്നാണ് റിപ്പോര്ട്ട്.
സംഭവത്തെ തുടര്ന്ന് അസ്വസ്ഥതകള് അനുഭവപ്പെട്ട 80 ഓളം പേരെ ആശുപത്രിയില് പ്രവേശിപ്പിച്ചു. സംഭവത്തില് ഒരാള് മരിച്ചതായാണ് റിപ്പോര്ട്ട്.
ഹെലികോപ്റ്റര് ഉപയോഗിച്ചുകൊണ്ട് രണ്ട് ബാരലോളം ബോംബുകളാണ് സിറിയന് സൈന്യം അലപ്പോയില് വര്ഷിച്ചത്. ചൊവ്വാഴ്ചയും അലപ്പോയുടെ അയല് പട്ടണങ്ങളില് ക്ലോറിന് വാതക ബോംബാക്രമണം നടന്നതായി രക്ഷാപ്രവര്ത്തകര് ആരോപിക്കുന്നുണ്ട്.
ആശുപത്രിയില് പ്രവേശിപ്പിച്ച് ശ്വസിക്കാന് ബുദ്ധിമുട്ടുന്ന കുട്ടികളുടെയടക്കമുള്ള ചിത്രങ്ങള് സിറിയന് അമേരിക്കന് മെഡിക്കല് സൊസൈറ്റി പോസ്റ്റ് ചെയ്തിരുന്നു.
സിറിയയിലെ സുക്കാരി നഗരത്തില് 70 ഓളം പേര്ക്ക് ഇതുമൂലം ശ്വാസതടസ്സം അനുഭവപ്പെട്ടതായി ഇംഗ്ലണ്ടില് നിന്നുള്ള സിറിയന് ഒബ്സര്വേറ്ററി ഫോര് ഹ്യുമന് റൈറ്റ്സ് അറിയിച്ചു.
അതേസമയം, ക്ലോറിന് വാതകം പ്രയോഗിച്ചെന്ന ആരോപണം സിറിയന് സര്ക്കാര് നിഷേധിച്ചു. യുദ്ധമുഖത്ത് ക്ലോറിന് ആയുധമായി ഉപയോഗിക്കുന്നത് കെമിക്കല് വെപ്പണ്സ് കണ്വെന്ഷന് നിരോധിച്ചിട്ടുണ്ട്.
