പിലിഭിത്: കൂടുതല് സുന്ദരിയാണെന്നു പറഞ്ഞ് ഭര്ത്താവും ഭര്തൃപിതാവും ശല്യം ചെയ്തതിനെത്തുടര്ന്ന് യുവതി മുഖം കരിച്ചു. യുപിയിലെ പിലിഭിത്തില് രേഖാ ലോധിയെന്ന മുപ്പതുകാരിയാണ് കടുംകൈ ചെയ്തത്.
രണ്ടു വര്ഷം മുന്പാണ് രേഖയും നിര്മ്മലും തമ്മിലുള്ള വിവാഹം കഴിഞ്ഞത്. അന്നുമുതല് നീ കൂടുതല് സുന്ദരിയാണെന്നും ബന്ധുക്കളും കൂട്ടുകാരും അയല്ക്കാരും നിന്നെ നോക്കുകയാണെന്നും പറഞ്ഞ് നിര്മല് ശല്യം തുടങ്ങി. ഇത് പലപ്പോഴും വഴക്കിലും അടിയിലും വരെ എത്തി.
അടുത്തിടെ ഭര്തൃപിതാവും കൂടി ചേര്ന്നതോടെ രേഖ സഹികെട്ടു. ഇരുവരെയും സഹിക്കാന് വയ്യാതായി. അതിനാല് മുഖം തീ കൊളുത്തി കരിക്കുകയായിരുന്നുവെന്ന് രേഖ പോലീസില് മൊഴി നല്കി. 25 ശതമാനം പൊള്ളലേറ്റ അവര് അപകട നില തരണം ചെയ്തു, എന്നാല് മുഖം വികൃതമായി. ഡോക്ടര്മാര് പറഞ്ഞു. രേഖ ഭര്ത്താവിനെതിരെ പരാതി നല്കാന് വിസമ്മതിച്ചു. അതിനാല് പോലീസ് കേസ് എടുത്തിട്ടില്ല.
