വേങ്ങര: ശോചനീയാവസ്ഥയിലുള്ള വേങ്ങര സാമൂഹ്യ ആരോഗ്യ കേന്ദ്രത്തില്‍ അടിസ്ഥാന സൗകര്യങ്ങള്‍ ഏര്‍പ്പെടുത്തണമെന്ന് ബിഡിജെഎസ് മണ്ഡലം കണ്‍വെന്‍ഷന്‍ ആവശ്യപ്പെട്ടു. കൂടുതല്‍ രോഗികളെത്തുന്ന ഇവിടെ അസൗകര്യങ്ങളാല്‍ വീര്‍പ്പുമുട്ടുകയാണ്. ഓപ്പറേഷന്‍ ഓപ്പറേഷന്‍ തീയറ്റര്‍ അടക്കമുള്ള താലൂക്ക് ആശുപത്രിയായി ഇതിനെ ഉയര്‍ത്തണമെന്നും യോഗം ആവശ്യപ്പെട്ടു.
വി.സി.ബാലകൃഷ്ണന്‍ പണിക്കര്‍ വായനശാലയില്‍ നടന്ന യോഗം ജില്ലാ പ്രസിഡന്റ് ദാസന്‍ കോട്ടക്കല്‍ ഉദ്ഘാടനം ചെയ്തു. സി.സുബ്രഹ്മണ്യന്‍ അദ്ധ്യക്ഷത വഹിച്ചു. ജില്ലാ സെക്രട്ടറിമാരായ പ്രദീപ് ചുങ്കപ്പള്ളി, നല്ലട്ട് നാരായണന്‍ എന്നിവര്‍ സംസാരിച്ചു. കെ.മോഹനന്‍ സ്വാഗതവും ചോലയില്‍ കൃഷ്ണന്‍ നന്ദിയും പറഞ്ഞു.
ഭാരവാഹികളായി ചോലയില്‍ കൃഷ്ണന്‍(പ്രസിഡന്റ്), അമൃത ഉണ്ണി, കെ.കെ.മാകൂ, ഇട്ടീരി(വൈസ് പ്രസിഡന്റ്), കെ.മോഹനന്‍, രവീന്ദ്രന്‍ ചാലില്‍, പി.സുബ്രഹ്മണ്യന്‍(സെക്രട്ടറി), ഇ.പി.രാധാകൃഷ്ണന്‍, കെ.പി.ഷാജി, പി.കുഞ്ഞേലു(ജോ.സെക്രട്ടറി), എ.പി.അരവിന്ദാക്ഷന്‍(ട്രഷറര്‍) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: