മുക്കം: കൂമ്പാറപ്പുഴയില് നടക്കുന്ന അനധികൃത റോഡ് നിര്മ്മാണ പ്രവൃത്തിക്കെതിരെ നടപടിയെടുക്കാതെ അധികൃതര്. പുഴകയേറി നിര്മ്മാണ പ്രവൃത്തി തുടരുമ്പോള് കൂടരഞ്ഞി ഗ്രാമപഞ്ചായത്തും റവന്യൂ വകുപ്പും നോക്കുകുത്തിയായാവുകയാണ്. രണ്ടാഴ്ച മുമ്പാണ് പുഴ കയ്യേറി മൂന്ന് കോണ്ക്രീറ്റ് പൈപ്പുകള് സ്ഥാപിച്ച് വെള്ളം ഒഴുകുന്നത് അത് വഴിയാക്കിയത്. തിങ്കളാഴ്ച പൈപ്പുകള്ക്ക് മുകളില് കോണ്ക്രീറ്റ്റോഡ് നിര്മ്മാണവും നടന്നു. പുഴ കൈയ്യേറ്റത്തിനെതിരെ നടപടി സ്വീകരിക്കേണ്ടത് റവന്യൂ വകുപ്പ് ആണെന്നാണ് കൂടരഞ്ഞി ഗ്രാമപഞ്ചായത്ത് അധികൃതരുടെ നിലപാട്. പുഴയില് നടക്കുന്ന കോണ്ക്രീറ്റ് പ്രവൃത്തി തടയാന് താമരശ്ശേരി അഡീഷണല് തഹസില്ദാര് കൂടരഞ്ഞി വില്ലേജ് ഓഫീസര് എം.രാജേന്ദ്രന് നിര്ദ്ദേശം നല്കിയെങ്കിലും നിര്മ്മാണം പൂര്ത്തീയാകുന്നത് വരെ വില്ലേജ് ഓഫീസര് പ്രദേശത്തേക്ക് തിരിഞ്ഞ് നോക്കിയില്ലെന്ന് നാട്ടുകാര് പറയുന്നു. കൂമ്പാറ പുഴ കയ്യേറ്റത്തില് കൂടരഞ്ഞി. ഗ്രാമപഞ്ചായത്ത് ഭരണസമിതിയും വില്ലേജ് ഓഫിസറും സ്വീകരിക്കുന്ന നിലപാട് സംശയാസ്പദമാണെന്ന് പരിസ്ഥിതി പ്രവര്ത്തകര് പറയുന്നു. നേരത്തെ ആര്ഡിഒ ക്ക് പരിസ്ഥിതി സംരക്ഷണ സമിതി പരാതി നല്കിയിരുന്നു. ഈ പരാതിയും നാട്ടുകാരുടെ എതിര്പ്പും നിലനില്ക്കെയാണ് പുഴ കയ്യേറി നിര്മ്മാണ പ്രവൃത്തി പുരോഗമിക്കുന്നത്.
കൂമ്പാറയില് പുഴ കയ്യേറി റോഡ് നിര്മ്മാണം ; നടപടിയെടുക്കാതെ അധികൃതര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.