ബെഡ്ഫോര്ഷൈര്: ലോകത്തെ ഏറ്റവും വലിയ വിമാനമായ’ എയര്ലാന്ഡര് 10′ ഇംഗ്ലണ്ടിലെ ബെഡ്ഫോര്ഷൈറില് തകര്ന്നു വീണു. രണ്ടാം പരീക്ഷണ പറക്കലിനിടെ ഇംഗ്ലണ്ടിലെ ബെഡ്ഫോര്ഡ് ഷെയറിലാണ് സംഭവം. ഏറെ ആഘോഷമാക്കിയ വിമാനത്തിന്റെ തകര്ച്ച, ലോകത്തെ ഏറ്റവും വലിയ ആഡംബരക്കപ്പല് ടൈറ്റാനിയത്തിന്റെ ദുരന്തത്തെ ഓര്മ്മിപ്പിക്കുന്നതായി.
https://youtu.be/Mg-RPTiVa_Q
എയര്ലാന്ഡര് തകര്ച്ചയില് ആര്ക്കും പരിക്കില്ല. പാതി വിമാനവും പാതി ആകാശക്കപ്പലുമായ ‘എയര്ലന്ഡര് 10’ സെന്ട്രല് ലണ്ടനിലെ കാര്ഡിങ്ടണ് വ്യോമത്താവളത്തില് നിന്നാണു കഴിഞ്ഞ ദിവസം പറന്നുയര്ന്നത്. വിമാനത്തകര്ച്ച ട്വിറ്ററിലൂടെ അറിയിച്ചെങ്കിലും കൂടുതല് വിവരങ്ങള് കമ്പനി വെളിപ്പെടുത്തിയില്ല.
അഞ്ചുവര്ഷം നീണ്ട തയാറെടുപ്പിനൊടുവിലാണു വിമാനം ആകാശം കണ്ടത്. അഫ്ഗാനിസ്ഥാനില് സൈനിക നിരീക്ഷണത്തിനായി യുഎസ് കരസേനയാണ് എയര്ലന്ഡര് വികസിപ്പിച്ചത്. 2013ല് പദ്ധതി യുഎസ് ഉപേക്ഷിച്ചു. ഇതെ തുടര്ന്നാണു ബ്രിട്ടനിലെ വ്യോമയാന കമ്പനി ഹൈബ്രിഡ് എയര് വെഹിക്കിള്സ് (എച്ച്എവി) വിമാനം ഏറ്റെടുക്കുകയായിരുന്നു. വിമാനത്തിനുള്ളില് നിറച്ചിട്ടുള്ള ഹീലിയമാണ് ആകാശത്ത് ഉയര്ന്നു നില്ക്കാന് വിമാനത്തെ സഹായിച്ചിരുന്നത്.
