കോട്ടയം: കേരളത്തിലെ ഇടതു-വലതു മുന്നണികള് രാജ്യദ്രോഹികള്ക്കൊപ്പം നിന്ന് രാഷ്ട്രവിരുദ്ധ പ്രവര്ത്തനം നടത്തുകയാണെന്ന് ബിജെപി കോട്ടയം ജില്ലാ ജനറല്സെക്രട്ടറി കെ.പി. സുരേഷ് പറഞ്ഞു. രാജ്യത്തിന് വേണ്ടി ജീവന് ബലിയര്പ്പിച്ച ധീരജവാന്മാരെയും സ്വാതന്ത്ര്യസമരസേനാനികളെയും മറന്നുകൊണ്ട് ജെഎന്യുവില് രാഷ്ട്രവിരുദ്ധ പ്രവര്ത്തനം നടത്തിയ ശക്തികളെ സഹായിക്കാനാണ് ഇവര് ശ്രമിച്ചതെന്നും അദ്ദേഹം കുറ്റപ്പെടുത്തി.
70-ാമത് സ്വാതന്ത്ര്യദിനാഘോഷത്തിന്റെ ഭാഗമായി ബിജെപി കോട്ടയം നിയോജകമണ്ഡലം സംഘടിപ്പിച്ച തിരംഗയാത്ര ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ധീരദേശാഭിമാനി ശൗര്യചക്ര കുമാരനല്ലൂര് അറയ്ക്കല് വീട്ടില് കണ്ണന്മുരളിയുടെ സ്മൃതിമണ്ഡപത്തില് പുഷ്പാര്ച്ചന നടത്തി തിരംഗയാത്ര നിയോജകമണ്ഡലം പ്രസിഡന്റ് ബിനു ആര് വാര്യര്ക്ക് ദേശീയപതാക കൈമാറി ആരംഭിച്ചു.
നൂറുകണക്കിന് ഇരുചക്ര വാഹനങ്ങളുടെ അകമ്പടിയോടെ മുട്ടമ്പലത്ത് സ്വാതന്ത്ര്യസമര സേനാനി നാരായണദേവിന്റെ സ്മൃതിമണ്ഡപത്തില് യാത്ര സമാപിച്ചു. സമാപനസമ്മേളനം സംസ്ഥാന സമിതിയംഗം അഡ്വ. എം.എസ്. കരുണാകരന് ഉദ്ഘാടനം ചെയ്തു. ബിനു ആര് വാര്യര് അദ്ധ്യക്ഷത വഹിച്ചു. കെ.പി. സുരേഷ്, വി.പി. മുകേഷ്, രണരാജ്, ടി.എന്. ഹരികുമാര്, സി.എന്. സുഭാഷ്, പി.ജെ. ഹരികുമാര്, കുടമാളൂര് രാധാകൃഷ്ണന്, രമേശ്കല്ലില്, നാസര് റാവുത്തര്, ഷാജി തൈച്ചിറ, ജോമോന്, സുരേഷ് ശാന്തി, കെ.കെ. മണിലാല്, രേണുകാ ശശി, വിനുമോഹന്, കെ. ആര്. ശശി, നന്ദകുമാര്, സൂരജ്, ഹരി കഴിക്കേക്കുറ്റ്, രാജേഷ് തുടങ്ങിയവര് പ്രസംഗിച്ചു.
ഏറ്റുമാനൂര്: ബിജെപി ഏറ്റുമാനൂര് നിയോജകമണ്ഡലം കമ്മിറ്റിയുടെ ആഭിമുഖ്യത്തില് നടത്തിയ തിരംഗ് യാത്ര ബിജെപി ജില്ലാ സെക്രട്ടറി സി.എന്.സുഭാഷ് ഉദ്ഘാടനം ചെയ്തു.
ആര്പ്പൂക്കര അമ്പലക്കവലയില് നിന്നാരംഭിച്ച യാത്ര തിരുവാര്പ്പില് അവസാനിച്ചു. നൂറുകണക്കിന് ബൈക്കുകള് പങ്കെടുത്ത റാലിയും ഇതിനോടൊപ്പം സംഘടിപ്പിച്ചു. യാത്രയ്ക്ക് ഏറ്റുമാനൂര് മണ്ഡലം സെക്രട്ടറി കെ.ജി.ജയചന്ദ്രന്, അനീഷ് രാജു, ആന്റണി അറയില്, ജോഷി ചീപ്പുങ്കല്, കൃഷ്ണപ്രസാദ്, സതീശന് പനത്തറ, വിനേഷ ് പാറയില്, പ്രജീവ്, ഓമന, മോഹന്ദാസ് തുടങ്ങിയവര് നേതൃത്വം നല്കി.
ചങ്ങനശേരി: ഭാരതീയ ജനതാ പാര്ട്ടി ചങ്ങനാശ്ശേരി നിയോജക മണ്ഡലം കമ്മിറ്റിയുടെ ആഭിമുഖ്യത്തില് സ്വാതന്ത്യദിനാഘോഷത്തിന്റെ ഭാഗമായി മണ്ഡലം ഒട്ടാകെ തിരംഗ യാത്ര നടത്തി. കുറിച്ചി ഔട്ട് പോസ്റ്റില്നിന്നും ആരംഭിച്ച തിരംഗ യാത്രയുടെ ബൈക്ക് റാലി എല്ലാ പഞ്ചായത്തുകളിലൂടെയും കടന്ന് ചങ്ങനാശ്ശേരിയില് സമാപിച്ചു. തീവ്രവാദം ആണ് ഇന്ന് നാടിന് ശാപം എന്നും ഈ തീവ്രവാദത്തെ നേരിടുന്നതിനു് രാഷ്ട്രീയ മത ജാതിഭേദമില്ലാതെ നമുക്കൊരുമിക്കാം എന്നും തിരംഗ യാത്ര ഉദ്ഘാടനം ചെയ്തു കൊണ്ട് സംസാരിച്ച മണ്ഡലം പ്രസിഡന്റ് എം എസ് വിശ്വനാഥന് പറഞ്ഞു.
തിരംഗ യാത്രയില് മണ്ഡലം ജനറല് സെക്രട്ടറിമാരായ ബി ആര് മഞ്ജീഷ്, എ മനോജ്, സംസ്ഥാന സമിതിയഗം എന്.പികൃഷ്ണകുമാര് ,യുവമോര്ച്ച മണ്ഡലം പ്രസിഡന്റ് വിഷ്ണു ഗോപിദാസ്, യുവമോര്ച്ച സംസ്ഥാന കമ്മിറ്റിയംഗം വിനയന്, കെ.കെ.സുനില്കുമാര്,പി. മുരളീധരന്, ആര്.ശ്രീജേഷ്, കുഞ്ഞുമോന് ഉതിക്കല്, പ്രദീപ്, കുമാര് ശിബിരം, രാജശേഖര പണിക്കര് ,വിനോദ് കുമാര് എന്നിവര് സംസാരിച്ചു.
