മുഹമ്മദ് ഫത്തുള്ള ഗുലാന്
തുര്ക്കിയില് തുടര്ച്ചയായി അസ്വസ്ഥതകള് സൃഷ്ടിക്കുന്നത് ഫെത്തുള്ള ഗുലന് ടെററിസ്റ്റ് ഓര്ഗനൈസേഷന് (ഫെറ്റോ) ആണ്. ഇൗ സംഘടനക്ക് ഇസ്ലാമിക് സ്റ്റേറ്റുമായി മികച്ച ബന്ധമാണ്. മുഹമ്മദ് ഫത്തുള്ള ഗുലനാണ് ഈ സംഘടനക്കു പിന്നില്.
പലരും ഇയാളെ പരിഗണിക്കുന്നത് മുസ്ലിം ബുദ്ധിജീവികളിലൊരാളായാണ്. നിരവധിഗ്രന്ഥങ്ങള് രചിച്ചിട്ടുണ്ടെന്നുള്ളതാണ് കാരണം. ഇയാളുടെ മേഖല മതം, രാഷ്ട്രീയം, സാമൂഹ്യശാസ്ത്രം എന്നിവയാണ്. എന്നാല് കടുത്ത അധികാര മോഹികൂടിയായ ഫത്തുള്ളയുടെ തുര്ക്കിയിലെ അട്ടിമറി ശ്രമം പരാജയപ്പെട്ടെങ്കിലും ഭീകരാക്രമണങ്ങള് പ്രോത്സാഹിപ്പിക്കുകയാണ്.
ഫത്തുള്ളയുടെ ജനനം 1941 ഏപ്രില് 27ന് തുര്ക്കിയില്. മതസാമൂഹ്യരാഷ്ട്രീയ രംഗങ്ങളിലെ സജീവ സാന്നിധ്യമായിരു ഫത്തുള്ള 17 വര്ഷമായി അമേരിക്കയിലെ പെന്സില്വാനിയയില് സ്വയം പ്രഖ്യാപിത പ്രവാസജീവിതത്തിലാണ്. അങ്ങനെ അന്താരാഷ്ട്ര തലത്തില് ശ്രദ്ധേയനായി.
ഇയാളുടെ നേതൃത്വത്തില് തുര്ക്കിയില് സക്രിയമായ ഭീകര പ്രസ്ഥാനത്തിന് അവിടെ ജുഡീഷ്യറി ഉള്പ്പെടെയുള്ള അധികാര കേന്ദ്രങ്ങളില് സ്വാധീനമുണ്ട്. ഭാരതത്തിലുള്പ്പെടെ വിദ്യാഭ്യാസ സ്ഥാപനങ്ങളുടെ മറവിലാണ് ഇയാളുടെ രാജ്യാന്തര പ്രവര്ത്തനം.
ഫത്തുള്ളയ്ക്ക് 75 കഴിഞ്ഞു. പ്രായാധിക്യവും രോഗങ്ങളും അലട്ടുന്നുണ്ട്. മാധ്യമങ്ങള്ക്കു പിടികൊടുക്കാത്ത ഫത്തുള്ള കഴിഞ്ഞ വര്ഷം ഏറെക്കാലത്തെ അഭ്യര്ത്ഥനക്കൊടുവില് ബിബിസിയോടു സംസാരിച്ചു.
