ഖാദി തൊഴിലാളികള്ക്ക് മെച്ചപ്പെട്ട കൂലി ഉറപ്പുവരുത്താന് നടപടി സ്വീകരിക്കുമെന്ന് വ്യവസായ വകുപ്പ് മന്ത്രി ഇ.പി.ജയരാജന് പറഞ്ഞു. കണ്ണൂര് ടൗണ് സ്ക്വയറില് സംസ്ഥാനതല ഖാദി ഓണം-ബക്രീദ് മേള ഉദ്ഘാടനം ചെയ്യുകയായിരുന്നു അദ്ദേഹം.
ഒരു വര്ഷം കൊണ്ട് സംസ്ഥാനത്ത് 50 പുതിയ വില്പന കേന്ദ്രങ്ങള് കൂടി തുടങ്ങും. ഖാദി തൊഴിലാളികള്ക്ക് ഇന്ന് തൊഴിലുറപ്പ് പദ്ധതിയിലെ കൂലിപോലും കിട്ടുന്നില്ല. മെച്ചപ്പെട്ട കൂലി കൊടുക്കാനാണ് സര്ക്കാര് ഉദ്ദേശിക്കുന്നത്. വിവിധ ഏജന്സിയുടെ കീഴിലുള്ള ഖാദി മേഖലയെ ഏകോപിപ്പിച്ച് ഫലപ്രദമായി പ്രവര്ത്തിപ്പിക്കും. ഈ രംഗത്ത് മാറ്റം സൃഷ്ടിക്കാന് ആവശ്യമായ നടപടി കൈക്കൊള്ളും. സംസ്ഥാനത്തേയും രാജ്യത്തേയും വിപണി ഉപയോഗപ്പെടുത്തി ഖാദിയുടെ വളര്ച്ച ഉറപ്പാക്കും. തമിഴ്നാട്ടില് നിന്നുള്ള കള്ളഖാദിയുടെ വരവ് തടയും. എന്നാല് തമിഴ്നാട്, ബംഗാള് സര്ക്കാരുകളുമായി ബന്ധപ്പെട്ട് ഇവിടെ ഉല്പ്പാദിപ്പിക്കാത്ത ഖാദി ഇനങ്ങള് വില്പ്പനക്ക് എത്തിക്കാന്നടപടി സ്വീകരിക്കുമെന്നും അദ്ദേഹം പറഞ്ഞു.
തുറമുഖ വകുപ്പ് മന്ത്രി രാമചന്ദ്രന് കടന്നപ്പള്ളി അദ്ധ്യക്ഷത വഹിച്ചു. മാര്ക്കറ്റിംഗ് ഡയറക്ടര് ആര്.തുളസീധരപിള്ള സ്വാഗതവും എന്.നാരായണന് നന്ദിയും പറഞ്ഞു.
